Во месецот на љубовта и виното, со љубов ви подготвивме лесен рецепт за медени срца со мармалад! Овие колачиња се прават брзо и лесно, па ќе може да ги подготват и оние кои сè уште немаат многу искуство во кујната. Вкусни се и декоративни, па сигурно ќе бидат пријатно изненадување на кој и да ги подарите!
Всушност, овој месец не ни може да се замисли без добро вино и вкусно чоколадо. Оваа година наместо да купувате скапи подароци, замесете вкусни медени чоколадни колачиња и подарете нешто домашно и подготвено со љубов. Без разлика за која и варијанта на прослава да се одлучите, ви предлагаме да ги пробате баш вкусниве чоколадни медени колачи со вашиот сакан/а или пријателите со чаша добро вино. Еве го и рецептот.
Состојки:
- 2 јајца
- 1 чаша шеќер
- 1 чаша ливадски мед
- 2/3 чаша масло
- 2 лажички цимет
- 1 лажичка киселина
- 1 лажичка сода бикарбона
- околу 3 чаши брашно
- 1 ќесичка прашок за печиво
- 1 ќесичка ванилин шеќер
- 1 см рендан корен од ѓумбир
Прилог за сервирање и/или лепење:
- мармалад по желба.
Подготовка:
- Во сад за матење изматете ги јајцата, ванилиниот шеќер и шеќерот.
- Потоа, во садот додајте ги медот, циметот, ренданиот ѓумбир и маслото.
- Внимателно промешајте ги киселината со содата бикарбона.
- Во брашното додајте го прашокот за печиво.
- Така припремените состојки добро измешајте ги и замесете меко, но добро споено тесто.
- Тестото развлечете го во кора со дебелина од 5 мм. Од кората со помош на калапи во облик на срце вадете форми.
- Колачињата во форма на срце наредете ги на плех обложен со хартија за печење.
- Печете ги во претходно загреана рерна на 170 степени, околу 15 минути.
- Оставете ги да се изладат, а по желба залепете ги со мармалад или послужете во чинија како прилог мармалад по желба. На здравје!
Ви препорачуваме да прочитате: Посни мини тарт колачи со џем.