За топлите денови, имаме совршен предлог! Време е за свеж, сочен вкус на летна мусака од тиквичка и модар патлиџан!
Летниот период изобилува со вкусни и здрави зеленчуци, па е голема инспирација за подготовка на вкусни јадења. Топла препорака да го пробате ова јадење пријатели.
Состојки:
- 1 тиквичка
- 1 модар патлиџан
- 2 јајца
- 4-5 лажици брашно
- 100 г лебни трошки
За фил:
- 300 г мелено месо од Агриа
- 1 главица кромид
- 4 чешниња лук
- сол по вкус
- црн пипер по вкус
- масло по потреба
- прстофат ситна црвена пипер
- мешан зачин по потреба
За прелив и декорација:
- 2 јајца
- 200 мл павлака
- рендан кашкавал по потреба
- тенки кругови од црвен домат
- магдонос по желба.
Подготовка:
- Прво припремете ги тиквичката и модриот патлиџан. Измијте ги, излупете ги и исечете ги на кругови. Mалку посолете ги и оставете ги околу 30 минути да отстојат, за да ја испуштат водата.
- Во меѓувреме припремете го филот. Лукот излупете го и ситно исечкајте го. Кромидот исто така излупете го и исечкајте го на ситни коцки.
- На оган ставете тава со малку масло да се загрее. Штом маслото добро се загреало, прво ставете го претходно припремениот лук малку да се пропржи со постојано мешање.
- Откако ќе пушти ароматичен мирис или по 1-2 минути, додајте го и кромидот. Може да додадете и малку вода.
- Повремено мешајте, а откако кромидот ќе се запржи, во тавата додајте го и меленото месо и пржете ги заедно.
- Зачинете со црн пипер, малку сол, мешан зачин и прстофат ситна црвена пипер. Тавата со готовиот фил тргнете ја од огнот.
- Во сад изматете ги јајцата, а во одделни садови припремете ги и брашното и лебните трошки.
- Секој од круговите тиквичка и модар патлиџан извалкајте го прво во брашно, па во јајце, па во лебни трошки и редете ги како и за обична мусака во тава, наизменично, парче тиквичка, па парче модар патлиџан. По желба, тавата може да ја обложите со хартија за печење.
- Откако сте наредиле еден ред на основата, распоредете го филот. Наредете уште еден ред тиквичка и модар патлиџан припремени на истиот начин.
- Ставете ги да се печат во загреана рерна на 200 степени за време од 20 минути.
- За тоа време припремете го преливот. Во сад изматете ги јајцата со помош на виљушка, па додајте го и изренданиот кашкавал во количина по желба.
- Откако поминале 20 минути од печењето, додајте го преливот од горе, декорирајте со тенки кругови од црвен домат и печете уште 20 минути, или додека убаво зарумени, зависно од рерната. Најдобро е кога е топло, на здравје!
Совети плус:
- По желба може да вметнете и млади компири како состојка во мусаката, а ако има потреба лесно е да ги зголемите количините на состојките.
- За најдобар вкус, препорачуваме да користите свежо мелено месо, кое може да го набавите од месарниците на Агриа (Битола, Штип и Велес). Агриа произведуваат домашно свинско и телешко месо. Телешкото месо е достапно само во нивните месарници, а свинското месо може да се најде и во Тинекс и Рамстор маркетите. За сите новости посетете ја веб страницата на Агриа и следете ги на нивната фан страница на Facebook.
Ви препорачуваме да прочитате: 5 грешки кои треба да ги избегнувате при подготовка на мелено месо.
Следете ја sezahrana.mk и на Instagram и Pinterest.
*Текстот е овозможен од Агриа.