Брзо бурито

Брзо бурито со мелено месо – од кујната на Марија Кочовска

Бурито, тако или полнети тортиљи. Како и да ги наречеме, станува збор за многу вкусно јадење, кое овој пат го направив во брзање, а рецептот го споделувам со сите. 

Обожавам тортиљи и ги правам на различни начини. Полнети со пилешко месо, мелено месо, припремени како енчилада… Превкусни се! 

Брзо бурито

Состојки за фил:

  • 400 – 500 г мелено месо од Агриа
  • 1 мала лажичка мешан зачин
  • 1 мала лажичка кромид во прав
  • ¼ лажичка мелен црн пипер
  • Сол по вкус. 

За бурито:

  • 4-8 тортиљи
  • 8 лажици кисела павлака со 20% мм
  • Зачин за таратур – лук во прав, копар и сол
  • 8 листови чедар кашкавал
  • 1 зелена салата 
  • 2 лажици путер. 

Подготовка:

  1. Во тава на оган ставете го месото да се пржи. Не додавајте масло, оставете го да се динстува во сопствената течност. 
  2. Месото зачинете го со мешан зачин, кромид во прав, сол и мелен црн пипер. Пржете го додека порумени. 
  3. Земете една тортиља и ставете 1 лажица павлака. Поросете со зачин за таратур. Потоа додајте го месото. Кашкавалот исечете го на две ленти и ставете врз месото.
  4. Земете 2 – 3 листови марула им ставете ги врз кашкалот. 
  5. Формирајте бурито. По желба, премачкајте го со путер и кратко потпечете го во тостер. 

Совети плус:

  • Во буритото може да додадеш зеленчуци по желба – зелка, пиперки, краставици, кромид…
  • Многу внимавам на квалитетот на намирниците и секогаш ги избирам оние кои се со врвен квалитет. А кога станува збор за свежо месо, ја посетувам месарницата на Агриа во Битола. Месарници имаат во Битола, Велес и Штип, а месото може да се најде во Тинекс и Рамстор маркетите. Освен месо, во месарниците на Агриа може да пронајдеш и месни преработки од нивно производство – чадено месо, како и колбаси. 
Брзо бурито

Препорака од авторот:

Ти се допадна овој рецепт? Посети ги моите профили и пронајди ја твојата инспирација за подготовка на вкусно јадење или десерт. Може да ме следиш на:

Ви предлагаме да прочитате: Полнети пиперки – од кујната на Марија Кочовска.

*Рецептот е овозможен од Агриа. 

Сподели: