Ако не сакате да одете в кревет гладни, ниту со чувство на тежина во стомакот, треба да ја прочитате оваа содржина. Има и такви намирници кои може да ги јадете во подоцнежните часови, а да не ви предизвикаат надуеност на стомакот и пречки во спиењето.
Бадеми
Тие се богати со витамин Е кој и годи на кожата. Имаат доста протеини и омега 3 масни киселини, но со оглед на тоа што се доста калорични, внесот треба да го ограничите на 20-25 бадеми во оброк, односно на ден. Најдобро е да ги јадете свежи и не печени, несолени, ниту засладени, бидејќи така припремени сепак може да придонесат кон надуеност на стомакот.
Чај од ѓумбир, камилица или нане
Чаевите се идеални против надуеност на цревата и системот за варење, а посебно погоре набројаните. За наутро да имате рамен стомак, навечер е добро да се напиете некој од овие чаеви.
Може да ве интересира: Како од ѓумбир да направите напиток против надуеност?
Грејпфрут, малини, јагоди
По повеќе нутриционистички препораки на вечер не се препорачува да се јадем овошје, затоа што содржи многу шеќери кои се апсорбираат и на тој начин предизвикуваат надуеност. Грејпфрутот, малините, јагодите, а во одредена мера и кивите доаѓаат во предвид. Овие овошја содржат доста вода, богати се со витамини, минерали и антиоксиданси, па се поздрав избор од другите овошја кога станува збор за вечерните часови.
Немасно кисело млеко или јогурт
Јогуртот е одличен пробиотик и му помага на организмот да ги избалансира корисните и „лошите“ бактерии. За дополнување на вкусот, јогуртот можете да го подготвите со малку боровинки или малинки.
Може да ве интересира: Ослободете се од надуеност и гасови во стомакот.
Пилешко месо, мисиркино и риба
Протеините од пилешкото и мисиркиното месо, и од рибата, се добар избор за вечера бидејќи го поттикнуваат метаболизмот и тој топи калории позабрзано за време на ноќта.
Папаја
За разлика од останатото овошје, папајата содржи ензим папаин кој е добар за варењето. Папаинот е исклучително делотворен ензим кој го поттикнува варењето и разградбата на храната во дигестивниот систем.
Овес
Овесните житарки кои се богати со растителни влакна и ја забрзуваат работата на цревата. Доволно е да консумирате околу 25 грама од нив за да поттикнете подобро варење. Измешајте ги со немасен јогурт и на здравје.
Ви препорачуваме да прочитате: 8 намирници против надуеност.