Брзо, лесно и многу вкусно! Дали досега сте пробале печена зелка со зачини? Подготовката е повеќе од едноставна, а за кратко време ќе имате совршен прилог или пак главен оброк.
Ние го пробавме овој рецепт, така што наместо свеж лук ставивме лук во прав. А бидејќи обожаваме печен зеленчук, овој рецепт е прав избор за вегетаријанци, вегани, лица кои постат или се на нискокалорични диети. Зелката е многу здрав зеленчук, па повеќе за нејзините придобивки и важноста за побрз метаболизам, прочитајте на линков. Доаѓа лето, бидете во фит форма!
Состојки:
- 1 зелка со средна големина
- 1 ½ лажица маслиново масло
- 2-3 ситно сечкани чешниња лук или лук во прав по желба
- сол и мелен црн пипер по вкус
- ситно сечкан свеж магдонос.
Подготовка:
- Рерната загрејте ја на 200 степени.
- Зелката пресечете ја на неколку кругови со дебелина од 1 до 2 см. Доколку ги исечете со помала дебелина, за побрзо време ќе се испечат.
- Во тава обложена со хартија за печење ставете ги парчињата зелка.
- Врз двете страни ставете од лукот, а потоа премачкајте со маслиново масло. Наросете сол и црн пипер.
- Печете за време од 20 до 30 минути (во зависност од дебелината на парчињата), потоа превртете ги парчињата и печете ги дополнителни 20 до 30 минути.
- Топлата печена зелка зачинете ја со ситно сечкан свеж магдонос и послужете ја веднаш во комбинација со сос. На здравје!
Ви предлагаме да прочитате: Вегетаријански плескавици од зелка и блитва.