Можеби сте слушнале за паста Арабијата, но ајде да ве запознаеме малку подобро. Паста Арабијата претставува традиционално италијанско јадење кое се приготвува со пене тестенини, домати, лук и крупни парчиња сушена пипер (која е слична на нашата буковска пипер).
Начинот на подготовка и состојките се едноставни, па зошто да не пробате да го направите ова вкусно јадење во својот дом? Ви гарантираме одличен вкус и дегустација на италијанската кујна, но овој пат, приготвена лично од вам.
Состојки:
- 300 грама пене макарони
- ¼ чаша маслиново масло
- сол и црн пипер по вкус
- 3 чешниња ситно сечкан лук
- 750 грама домати од конзерва
- ½ лажичка буковска пипер
- ½ лажичка италијански зачини (оригано, мајоран…)
- 6 свежи листови од босилек
- пармезан и листови босилек за декорација.
Подготовка:
- Во длабок сад ставете вода да се вари. Штом водата зоврие додајте сол и ставете ги макароните да се варат. Варете ги согласно со упатството наведено на пакувањето, за време од 9 минути.
- Во меѓувреме, во голема тава на оган, на средно висока температура, ставете го маслото да се загрее.
- Во загреаното масло додајте го лукот. Пржете го минута до две.
- Потоа додајте ги сечканите домати, буковската пипер, зачините, мелен црн пипер и посолете по вкус. Оставете го сосот да се вари за време од 5 минути. Потоа, тргнете ја тавата од огнот и додајте го сечканите листови босилек.
- Варените тестенини исцедете ги и додајте ги во сосот. Измешајте ги и гарнирајте ги со рендан пармезан и босилек. Послужете ги додека се топли. На здравје!
Ви предлагаме да прочитате: Посни тестенини со доматно пире и босилек.