Ако сакате да му овозможите на семејството или друштвото вкусна забава, подготовете ги овие мали забавни залчиња! Зошто би биле големи, кога може да бидат фини и интересни мини мафини? Солени и лесни за јадење!
Совршени се за мезење во долгите вечери полни со пријатни разговори, за детски родендени или за време на прошетка. И благодариме на нашата пријателка Лана од блогот Kuhinjica Mignone за прекрасниот рецепт.
Состојки:
- 250 гр брашно
- 1/2 лажичка сол
- малку мелен црн пипер
- 100 гр шунка
- 40 гр растопен путер
- 2 лажици ситно рендан кашкавал
- 1 лажица сечкан магдонос
- 150 мл јогурт
- 100 мл млеко
- 1 јајце.
Подготовка:
- Во поголем сад измешајте ги сите состојки и добро соединете ги.
- Калапот за мини мафини намачкајте го со малку путер (по желба може да ставите и хартиени корпички, но потоа е тешко да се одлепат од мафините).
- Смесата за мафини распоредете ја во калапот, па ставете ги да се печат.
- Печете во претходно загреана рерна на температура од 200 степени за време од околу 20 минути.
- Послужете ги топли или млаки, а за декорација и дополнување на вкусот сервирајте ги со кисела павлака. На здравје!
Ви препорачуваме да прочитате: Солени мафини со спанаќ и сирење.