Ја отворам сезоната на летните брзи рецепти! Со само 4 состојки направи мезе залачиња со тортиља кои изгледаат преубаво, а се превкусни.
Нема печење, а гостите ќе бидат воодушевени. Доволни ти се само 5 – 10 минути за подготовка, па така овој рецепт ќе ти биде еден од омилените. Идеални се за родендени, свечени трпези, имендени… Продолжи со читање и погледни го видеото од подготовката.

Состојки:
- 100 г Кораб мешано сирење
- 180 г Кораб кисела павлака
- 4 тортиљи
- 160 г салама сечкана на листови
- Листови босилек по желба.

Подготовка:
- Во чинија изреднајте го сирењето на ситната страна од рендето или испасирајте го со виљушка.
- Во чинијата додајте ја павлаката и измешајте.
- Секоја тортиља премачкајте ја со 1 лажица од филот со сирење. Исечете ја на 4-5 ленти. Салата пресечете ја на половина. Врз секоја лента ставете 2 парчиња салама. Лентите виткајте ги како мини ролати, а на крајот ставете лист босилек. Подготовката погледни ја на видеото. На здравје!
Совети плус:
- За подготовката може да користите и шарпланинско кравјо сирење од Млекара Тетово.
- Наместо салама, може да ставите тенки ленти чајна салама.
- Босилекот може да го замените со листови нане.
Разгледај повеќе идеи и рецепти на моите профили на социјалните мрежи и заследи ме:
- Instagram – @kocovska.marija
- Facebook – Marija Kocovska
- Youtube – Marija Kocovska
- Tik Tok – @marija.kochovska.
Може да те интересира: Од кујната на Марија – Брзи тортиља канапеи со павлака, салама и краставица.
*Рецептот е овозможен од Млекара Тетово.
