Вкусна и брза погача што секој може да ја направи! Нашите пријатели од Алфа Плам повторно ни откриваат стар и традиционален рецепт од нивниот крај. Специфично за оваа тепана погача е тоа што се прави на многу едноставен начин и тоа без квасец. Според нивната традиција погачата се служи со пифтија за православниот празник Богојавление – Водици.
Денес направете промена! Наместо да купувате леб, замесете вкусна тепана погача без квасец и уживајте во нејзиниот неверојатен вкус. А за подготовка потребни ви се неколку едноставни состојки и малку слободно време.
Состојки:
- 1 кг брашно
- 1 лажичка сода бикарбона
- 400-450 мл млака вода
- 2 лажички сол
- масло за премачкување.
Подготовка:
- Во поголем сад ставете го брашното. Додајте сол и сода бикарбона.
- Постепено додавајте млака вода и замесете мазно и цврсто тесто. Месете околу пет минути и додавајте брашно по потреба.
- Тавата за печење премачкајте ја со масло. Тестото ставете го во тавата и обликувајте го. Оставете го на собна температура околу 10 минути.
- Погачата ставете ја да се печи во претходно загреана рерна на 220 степени за време од 30 минути.
- Погачата послужете ја додека е топла во комбинација со млад кајмак. На здравје!
Наша препорака:
Најубавиот почеток на денот е кога од кујната ве освојува мирисот на топла погача. А погачата ќе биде највкусна ако е подготвена во шпорет на дрва. Широката палета на производи од Алфа Плам, освен шпорети со електрична и комбинирана програма, нуди и разни модели на шпорети на дрва. Разгледајте ги нивните производи на нивната веб-страница од каде што може и да нарачате шпорет по ваш избор. За сите новости следете ги на нивните фан страници на Facebook и Instagram. Уживајте во готвењето со Алфа-Плам!
Ви предлагаме да прочитате: Ѓувеч со тарана и пилешко месо.
Следете ја sezahrana.mk и на Instagram и Pinterest.
*Спонзориран рецепт.