ѓувеч со тарана и пилешко месо

Ѓувеч со тарана и пилешко месо

Време е за ново гурманско доживување! Нашите пријатели од Алфа Плам со задоволство ни споделуваат еден одличен рецепт за ѓувеч со тарана и пилешко месо. Тие велат: „Да дојдеш во Врање и да не пробаш тарана е непоправлива загубa. Тараната може да се подготви на неколку начини, со или без месо. Традиционално, ѓувеч со тарана се подготвуваше во времето на берење грозје. “

Овој супер рецепт за ѓувеч со тарана и пилешко месо сигурно ќе го обожавате, а се подготвува за кратко време. Во продолжение погледнете кои состојки ви се потребни и не пропуштајте да го пробате ова старинско традиционално јадење.

ѓувеч со тарана и пилешко месо

Состојки:

  • 500 г домашна таранa
  • 500 г пилешко месо
  • 1 главица кромид
  • 1 морков
  • 1 чаша доматен сос
  • масло
  • сол по вкус.

Подготовка:

  1. Тараната ставете ја во сад на оган и така без масло кратко пропржете ја додека добие светло кафеава боја.
  2. Пилешкото месо исечете го на коцки. Кромидот и морковот ситно исечкајте ги. Ставете ги во претходно загреано масло и пропржете ги. Додајте од доматниот сос и малку вода. Варете додека месото омекне.
  3. Потоа, додајте ја тараната, посолете по вкус и варете уште неколку минути на пониска температура.
  4. Целата смеса префрлете ја во глинен сад и ставете ја да се печи во претходно загреана рерна на 200 степени, околу 30 минути.
  5. Ѓувечот послужете го додека е топол и уживајте во фантастичниот вкус. На здравје!

Совет плус: 

  • За најдобар вкус, јадењето послужете го со топол, по можност домашен леб, со крцкава кора.

Наша препорака:

Сигурни сме дека ви се допадна овој интересен рецепт кој доаѓа од ризницата на нашите пријатели од Алфа-Плам и сакате да го подготвите што поскоро. Но, за да го доловите вкусот на ѓувечот со тарана и пилешко месо во вашиот дом најдобро е да го печете во шпорет на дрва. Дали знаете дека освен шпорети со електрична и комбинирана програма, широката палета на производи од Алфа Плам нуди и разни модели на шпорети на дрва? – Разгледајте ги нивните производи на нивната веб-страница од каде што може и да нарачате шпорет по ваш избор. А за сите новости следете ги на нивните фан страници на Facebook и Instagram. Уживајте во готвењето со Алфа-Плам!

ѓувеч со тарана и пилешко месо

Ви предлагаме да прочитате: Јагнешка капама со спанаќ.

Следете ја sezahrana.mk и на Instagram и Pinterest.

*Спонзориран рецепт.

Сподели: