Како и да го јадеш, во било која форма да не подготвено, тирамисуто е еден од омилените вкусови во светот. Позната е неговата специфична арома која го прави неодоливо, а Кате овој пат ни дава супер идеја за да го пробаме во вид на тирамису бомбици.
Малечки и симпатични колачи, погодни за визити и разни прослави. Секое време е добро време за да се пробаат!
Состојки:
- 180 гр црно чоколадо
- 180 мл топло црно кафе
- 24 мелени бисквити
- 1 лажица инстант кафе
- 220 гр маскарпоне.
За чоколадирање:
- 180 гр темно чоколадо
- 2 лажици масло.
За посипување:
- по потреба (желба) шеќерни трошки, цимет, какао, сечкани бадеми.
Подготовка:
- Чоколадото искршете го на парчиња и прелејте го со претходно свареното врело кафе. Мешајте додека чоколадото се растопи.
- Во друг сад измешајте ги мелените бисквити и инстант кафето.
- Откако чоколадото малку ќе се излади додајте го маскарпонето и измешајте.
- Додајте ги мелените бисквити со инстант кафето. Убаво измешајте ги сите состојки за добро да се соединат.
- Смесата е леплива, па ставете ја во фрижидер за малку да се стегне, а потоа од неа формирајте ги тирамису бомбиците.
- Оформените бомбици оставете ги да стојат во фрижидер околу 1 час, а потоа прелејте ги со чоколадото растопено со малку масло.По желба посипете со цимет, какао, шеќерни трошки, бадеми или нешто друго по ваш избор.
Рецептот го испратил: Катерина Милошевска Глигороска.
Ви препорачуваме да прочитате: Рецепт за тирамису и Тирамису мафини.