Кој би рекол дека толку едноставна идеја може да ви пружи огромно емотивно задоволство, нели? Ќе потрошите само неколку минути од вашето време и од старите тегли кои ги имате дома ќе добиете прекрасен и уникатен новогодишен подарок!
Креативноста нема граница, а посебно кога сакаме да изненадиме некого. Овој уникатен новогодишен подарок можете да го поклоните на деца и возрасни, на пријатели и роднини кои знаат да се забавуваат и да бидат среќни. По желба можете да направите и различна внатрешност која ќе одговара на желбите на оној кој го прима подарокот, а ние би ви предложиле доколку ви се допаѓа да си го направите и самите за себе и да го збогатите домот со убав и уникатен украс направен со многу љубов. За овој прекрасен и едноставен новогодишен подарок потребни ви се неколку елементи.
Состојки:
- една тегла, тоа може да биде стара и чиста тегла или нова по желба
- капак за затворање на теглата
- мала елкичка
- малку конец
- лепило
- мал автомобил – играчка
- парче стиропор
- вештачки снег.
Подготовка:
- Најпрво припремете го украсот. На задниот дел на малиот автомобил со помош на конецот заврзете ја елката, а потоа залепете ја врз стиропорот.
- Така споени, ставете ги во теглата, а потоа внатре додајте го вештачкиот снег и затворете ја.
Се надеваме ќе уживате во видеото за подготовка и во позитивните емоции додека подарувате или го гледате украсот во вашиот дом. Среќни празници!