Остана уште многу малку време до почетокот на велигденските празници, па време е да си направиме нешто креативно кое на домот ќе му даде празнична магија. Препуштете и се на фантазијата и овој Велигден направете нешто поинакво од секогаш и воодушевете ги вашите најблиски со креативноста. Имаме еден многу интересен предлог за декорација на велигденската трпеза за која ви се потребни само еден балон и макарони, а со чија помош ќе направите прекрасна велигденска кошничка од макарони.
Постапката за изработката на велигденската кошничка од макарони е прикажана на следново видео и на вас останува само да ги следите чекорите кои се прикажани во него. Крајниот резултат е навистина прекрасен, вреди да се обидете.
Потребно:
- балон
- сликарска четка
- макарони
- тестенини во облик на школка
- лепило
- лак во црвена боја
- пинцета
- жолта боја во спреј
- фломастер
- силиконски пиштол
- основа од потрошена креп трака
- хартија во зелена боја
Начин на изработка:
- Најпрво треба да го надувате балонот до посакуваната големина на кошничката.
- Со фломастер нацртајте јајцевиден круг на едната страна на балонот, кој ќе служи како отвор на кошничката.
- Потоа премачкајте го балонот со помош на сликарска четка со лепило. Но, не ставајте лепило врз кругот кој ќе служи за отвор.
- Врз лепилото, со помош на пинцета лепете ги макароните околу предвидениот отвор. За оваа цел бирајте макарони со помала големина.
- Откако ќе го излепите целиот балон со макарони, оставете го лепилото да се исуши, па рушете го балонот и отстранете го од добиената кошничка.
- Кошничката од макарони исчистете ја темелно од остатоците од лепило, па испрескајте ја со спреј во жолта боја.
- Потоа тестенините со облик на школка премачкајте ги со лак за нокти со црвена боја и оставете ги да се исушат.
- Со помош на силиконски пиштол, залепете ги вака подготвените школки околу отворот на кошничката. Може да ги залепите и на други места по ваш вкус.
- Потрошената креп трака обложете ја со зелена хартија, па со силиконски пиштол залепете ја како основа на кошничката од макарони.
- И за крај, во вака подготвената кошничка ставете малку слама, велигденски јајца и други украси по ваш вкус и уживајте во престојните велигденски празници. Нека ни се за многу години празниците!
Ви препорачуваме да прочитате: Декорација на велигденски јајца со вратоврска.