Обарен прокељ со домашен прелив за 10 минути 1

Обарен прокељ со домашен прелив за 10 минути

Лесно, брзо и здраво! Идеално за лесен ручек или вечера. Направете си што побрзо многу вкусен прокељ со домашен прелив. Ако пробате ќе знаете дека откривте нешто ново и неодоливо кое мора да се сподели со пријателите!

Така го откривме и ние овој фантастичен рецепт. Во една прилика, нашата драга пријателка Биле го напиша во коментар на нашата страница, а нам веднаш ни го привлече вниманието. Рецептов е полн погодок, моравме да го пробаме, па го фотографиравме и еве сме, го споделуваме со многу радост со сите вас!

Обарен прокељ со домашен прелив за 10 минути 2

Состојки:

  • 400-500 грама прокељ

За прелив:

  • 1 лажица мед
  • 1 лажица маслиново масло
  • 1 лажица јаболкова киселина
  • 2 лажици сенф
  • прстофат црн пипер
  • прстофат буковска пипер по вкус.

Подготовка:

  1. Во сад на оган, ставете поголема количина на вода и оставете ја да зоврие.
  2. Откако водата ќе зоврие, додајте го претходно измиениот и на половина пресечениот прокељ и оставете го во водата која врие за време од 8-10 минути за да се обари.
  3. По тоа време, извадете го од садот и ставете го во сад со ладна вода, да постои 1-2 минути, па исцедете го од течноста.
  4. Во меѓувреме, припремете го преливот. Во сад измешајте ги медот, маслиновото масло, јаболковата киселина, сенфот, црниот пипер и буковската пипер. Откако добро се соединат состојките, преливот е готов.
  5. На крај, сервирајте го прокељот во поголема чинија, а сосот ставете го врз него или во соодветен сад како во примерот на фотографијата. На здравје!

Ви препорачуваме да прочитате: Печен прокељ во рерна.

Сподели: