Ја обожаваме нашата богата и сочна посна штрудла, а нема таков кој ја пробал и не се воодушевил од нејзиниот вкус! Крцкава кога ќе ја гризнете, а сочна во внатрешноста, идеално добра! – Се прави едноставно и од избрани состојки, па гарантирано ќе ја направат совршена и неискусните готвачи.
Бидејќи домашното често пати е незаменливо добро, искрено ви ја препорачуваме, испробана е во нашата кујна!
Состојки:
- 500 грама свежи кори
За фил:
- 1-1,2 кг нечистени јаболка
- 12 лажици шеќер
- 5 полни лажици гриз
- 1 кесичка ванилин шеќер од Витаминка
- 1 кесичка цимет од Витаминка
- 100 грама сечкани ореви
За попрскување:
- Брилијант масло по потреба
- газирана вода по потреба (околу 150 мл)
За поросување:
- шеќер во прав од Витаминка по потреба.
Подготовка:
- Најпрво се припрема филот. Јаболката измијте ги, излупете ги и исчистете ги, па изрендајте ги и ставете ги во поголем сад во кој ќе го припремате филот. За највкусен фил, ако можете, ставете малку овенати јаболка или изберете поблага сорта.
- Во садот со ренданите јаболка, додајте ги шеќерот, ванилиниот шеќер, гризот, циметот и оревите. Оревите може да се сечкани или толчени. Измешајте добро.
- На чиста работна површина раширете ги корите и започнете со подготовка на штрудлата.
- Земете една кора, попрскајте ја со лажица газирана вода и лажица Брилијант масло. Над неа ставете нова кора и исто така попрскајте ја. Ставете трета кора и попрскајте ја со водата и маслото, а потоа на еден од краевите, по целата должина ставете ,,планина” од фил, рамномерно распореден.
- Внимателно завиткајте ја кората во ролат, така што ќе оставите малку простор околу филот, за добро да може да се изврие филот и штрудлата да биде крцкава.
- Готовата штрудла преместете ја во плех обложен со хартија за печење.
- Постапката повторувајте ја додека се потрошат корите и филот, а зависно од производителот, ќе добиете најмалку 4 ролни штрудла.
- Со добро наострен нож, секоја од ролните исечете ја на парчиња со должина од околу 5-6 см. Така ќе добиете 20-24 парчиња штрудла од една доза.
- Секое од парчињата, пред печење потурете го со неколку капки Брилијант масло.
- Печете во загреана рерна на 200 степени, за време од 40 минути.
- На крај, готовата посна штрудла поросете ја со шеќер во прав и уживајте во светот на вкусовите. На здравје!
Ви препорачуваме да прочитате: Крем пита со пудинг.
Следете ја sezahrana.mk и на Instagram и Pinterest.
*Спонзориран рецепт.