Дали знаевте дека едно чешне лук, ситно сечкано или изгмечено, дава многу повеќе вкус од десет цели чешниња кои се термички обработени? – Македонската кујна е ризница на специјалитети и вкусови кои ги предаваме од колено на колено. Низ цела таа кулинарска традиција, се провлекуваат повеќе зачини и билки, но лукот е најчесто употребуван. Им дава фантастична арома на јадењата и претставува 100% природен антибиотик и ефикасен борец против вирусни заболувања. Тоа е факт кој никој од нас не смее да го занемари, а денес споделуваме уште неколку интересни факти за лукот кои можеби не сте ги знаеле.
Може да ве интересира и: 4 препораки како да го искористите најдоброто од лукот за здравјето.
7 интересни факти за лукот кои можеби не сте ги знаеле:
- Кога се пече или готви, вкусот на лукот станува сладок и речиси лут.
- Кога динстувате лук, треба да бидете многу внимателни, бидејќи само секунда подолга подготовка може да го уништи целото јадење. Вкусот на загорениот лук е многу непријатен.
- Иако само експертите ја забележуваат разликата, на пазарот има безброј различни видови лук, а еден од најпознатите се вика зилис и е прилично поскап од другите видови.
- Она што може да биде многу непријатно кога станува збор за подготовка на лук е мирисот кој останува на вашите раце додека го сечкате. Совршено ефикасен трик е да ги триете рацете на површина од нерѓосувачки челик, како што е мијалникот, а мирисот ќе исчезне за кратко време.
- Ако сте голем љубител на лукот, може да си направите масло од лук. На вашето јадење ќе му даде одличен вкус, а потоа нема да морате да користите освежувачи или гуми за џвакање.
- Лукот никогаш не го чувајте во фрижидер, бидејќи студот ја убива целата негова арома. Чувајте го на темно, суво и ладно место. Штом го донесете од продавница, ставете го во сад каде што не циркулира воздух или во пластична кеса која добро се затвора.
- Кога купувате лук, важно е да знаете дека, колку се помали чешнињата толку е посилен интензитетот на аромата.
Ви препорачуваме да прочитате: Лук наместо аспирин за силен имунитет во зима.