Еден од омилените зелени зеленчуци кои им даваат посебен вкус на салатите и свежина на организмот се краставиците. Тие содржат 95% вода, што ги прави идеална храна за хидратација на телото во топлите денови.
Триглицеридите се масти кои се неопходни за одржување на човечкиот живот и се најчесто застапени липиди во нашето тело. Кога јадеме, вишокот калории кои организмот не ги користи веднаш, ги претвора во триглицериди кои се складираат во масните клетки и се користат при дефицит на храна. Иако се потребни за организмот, прекумерната количина на триглицерди во крвта има лошо влијание врз здравјето. Со покачените триглицериди се зголемува ризикот од кардиоваскуларни заболувања, срцев и мозочен удар. А со примена на некои совети и правилна исхрана, може да го намалите нивото на покачените триглицериди во крвта.
Во нашата кујна ви припремивме лесен, брз и здрав рецепт за печени ќофтиња од тиквички и изварка. Тиквичките се нискокалорични, богати се со растителни влакна и се препорачуваат при диети, за исхрана на лица кои имаат проблеми со кардиоваскуларниот систем и дијабетес. Изварката е богата со протеини и калциум. Овие ќофтиња од тиквички и изварка може да ги консумираат и лица кои практикуваат исхрана без глутен, исхрана без шеќери и исхрана со мал внес на јагленихидрати .
Често се нарекувани кралско овошје, а се смета дека на нашите простори овие златни плодови на сонцето ги донел Александар Македонски. Вкусните кајсии помагаат во одржувањето на здравиот вид, го подобруваат варењето на храната и сонот, одлични се за имунитетот и уште многу други функции на организмот.
Камилицата (Мatricaria chamomilla) била ценета лековита билка уште во стариот век во древен Египет, Грција и Рим. Хипократ, Диоскорид, Гален и други лекари од тоа време употребувале камилица како средство против болки и грчеви во органите за варење, особено кај децата, како и за лекување на различни воспаленија на кожата и слузокожата.
Приготвен од вештите раце на Марија од нашиот тим! Сутлијач или сутлијаш е вид на сладок десерт кој се добива со варење на ориз во млеко, а најчесто се додава шеќер, ванила, цимет и рендано чоколадо. Сутлијачот е дел од македонската, српската, бугарската и турската кујна од каде и потекнува овој десерт. Може да се служи топол или изладен.