Дали и вие обожавате крем салати?! – Нам ни се омилени! Постојано сме во потрага по лесни и брзи рецепти за ладна крем салата која совршено ќе се вклопи со секаков вид на јадења. И баш таква е оваа крем салата со ориз и мајонез, брза за подготовка, а лесна и вкусна за јадење!
Пробајте ја и кажете ни како ви се допадна. Таа е супер предлог за зимските денови кога сѐ поретко се наоѓаат свежи зеленчуци. Совршено одговара со скара или како прилог со главниот ручек. Комбинацијата од ориз, крцкав зеленчук, кромид и мајонез е совршена. Тоа што се подготвува лесно и не мора да сечкате со часови, е уште еден огромен плус кој е мотиватор да ја пробате.
Состојки:
- 1 чаша варен ориз
- 1 главица црвен кромид
- 1 чаша златна мешавина (варен и оладен зеленчук – грашок, морков и пченка)
- 1-2 лажици кисела павлака
- салатен мајонез од Витаминка по вкус
- 1 црвена пиперка исечкана на коцки
- малку мешан сув зачин Дафинка
- сол и црн пипер по вкус.
Подготовка:
- Оризот и зеленчукот сварете ги во посебни садови и оставете ги да се изладат.
- Во меѓувреме исечкајте ги кромидот и пиперката.
- Во голем сад за салата измешaјте ги варениот ориз, варениот зеленчук, сечканите кромид и пиперка.
- Додајте ги и киселата павлака и мајонезот. Доколку ставите поголема количина на мајонез, намалете од павлаката и обратно.
- Вака подготвената салата со ориз и мајонез зачинете ја со мешан сув зачин Дафинка, сол и црн пипер по вкус. Послужете ја ладна како прилог со скара или печено месо. На здравје!
Ви препорачуваме да прочитате: Бела крем салата со компир и мајонез.
Следете ја sezahrana.mk и на Instagram и Pinterest.
*Спонзориран рецепт.