Брза овошна торта со јагоди без печење • Сè за храна

Овошна торта со јагоди без печење, што може да биде подобро? Топлите денови со совршени за десерт кој ќе ве освежи и заблажи во исто време! Во оваа прилика ви откриваме супер брз рецепт за торта без печење која ја направи Марија Кочовска од нашиот тим.

Таа вели: „Јагоди и ванила споени во нов, летен и освежителен сладок хит! Направив превкусна овошна торта со јагоди која верувам дека ќе го освои сечиј вкус. Идеална е за роденденски и матурски забави и што е најважно, нема печење, а доволни ви се 30-тина минути за подготовка. А ви снимив и кратко видео додека ја подготвував тортата, па се надевам дека ќе ве мотивирам да ја испробате во првата прилика.“

Состојки:

1 пакување Vincinni меки кори за торта
500 мл слатка павлака
200 г бело чоколадо за готвење
100 г мармалад од јагоди
300 г јагоди.

За декорација:

100 г шлаг пена
200 мл ладно млеко.

Подготовка:

Во сад на тивок оган ставете ги чоколадото и 100 мл слатка павлака. Мешајте додека чоколадото се растопи. Садот тргнете го од огнот и оставете го да се излади. Филот треба да биде млак.
Јагодите исчекајте ги на коцки.
Преостанатата слатка павлака изматете ја со миксер. Потоа додајте го филот со белото чоколадо и измешајте со шпатула.
Земете две кори и пресечете ги на половина, така што ќе добиете 4 кори.
Врз првата кора ставете 1 до 2 лажици мармалад од јагоди и премачкајте ја кората. Потоа ставете ¼ од филот со слатката павлака, распоредете го филот и додајте сечкани јагоди. Ставете ја втората кора. Повторете ја постапката – кора, мармалад од јагоди, фил со слатка павлака и сечкани јагоди. Ставете ја и третата кора и повторете ја постапката.
На крај ставете ја четвртата кора и премачкајте ја тортата со филот од слатка павлака. Ставете ја во фрижидер 2-3 часа за да се спојат вкусовите.
Во сад за матење ставете ги шлаг пената и ладното млеко. Изматете ги 3-5 минути за да се добие цврст шлаг. Тортата премачкајте ја со шлаг пената и декорирајте ја по желба со свежи јагоди. Подготовката на тортата погледнете ја видеото. На здравје!

Совети плус:

Доколку мармаладот е многу цврст, пред да го нанесете врз корите, кратко затоплете го.
Ако имате повод за прослава искористете ги сите 3 кори, направете поголема торта и исечете мини коцки.

Препорака од авторот:

Ти се допадна рецептот? Ако си во потрага и по други испробани рецепти и идеи, посети ги моите профили на социјалните мрежи и пронајди ја твојата инспирација. Разгледај и заследиме на: