Брокулата е многу интересен зеленчук кој нуди разни можности за подготовка. Можете да ја претворите во разни јадења или прилог и тоа на едноставен начин. Еден таков рецепт е овој кој го опишуваме подолу, со кој за многу кратко време ќе подготвите брз здрав прилог од брокула и може да го сервирате со омиленото месо.
Брокулата е богата со калциум, железо, магнезиум и значајни количини сулфур, кои му го даваат карактеристичниот мирис кои доаѓа до израз при готвење. Од групата на Б витамин, најмногу содржи Б9. Карактеристично е тоа дека содржи иста количина на витамин Ц како јужното овошје и пиперките. Изобилува со растителни влакна кои имаат важна улога во правилна работа на дигестивниот систем. Доста ефикасна е во лекувањето и третманот на лечење на инфекциите предизвикани од бактеријата Хеликобактер пилори (Helicobacter pylori) при што ги намалува тегобите и го скратува траењето на третманот. Повеќе за нејзината корист за здравјето прочитајте тука.
Ако сакате може да направите и вкусна крем супа, а рецептот ќе го најдете ако кликнете тука.
Состојки:
- 1 кг брокула
- 5 мали чешниња лук (по желба може да ја намалите количината)
- 4 лажици маслиново масло
- 1 лажица путер
- ½ лажиче сол
- 300 мл телешка супа.
Подготовка:
- Брокулата разделете ја на цветови и ставете ја во тенџере.
- Додадете го исечканиот лук, маслото, путерот, солта и супата.
- Покријте го и ставете го да вари околу 10 минути.
- Вака подготвената брокула послужете ја како прилог на пржено месо или риба.
Рецептот го испратил: Невена Ѓероска.
Ви предлагаме да прочитате: Уштипци со брокула.