Брз чоколаден мус без јајца • Сè за храна

На ваше и наше задоволство, пред неколку дена го одржавме кулинарското шоу „15 минути“ во кое за 15 минути Катерина Шамбевска Спасеновска и Марија Кочовска од нашиот тим ви презентираа како да си подготвите превкусен и брз чоколаден мус во чаши. Се дружевме, поразговараме и разменавме идеи за повеќе брзи испробани рецепти. Дел од вас посакаа рецептот да го ставиме на sezahrana.mk и да остане во богатата архива на испробани и препорачани рецепти. Па, драги читатели ве потсетуваме на рецептот и првата епизода на подолу прикажаното видео.

Овој пат најбрза беше Марија од нашиот тим и се пријави за подготовка на брзиот десерт. А кои состојки ви се потребни и како може да го направите превкусниот чоколаден мус во чаши погледнете во текстот или видеото.

Состојки:

1 1/2 пакување Vincinni чоколадни наполитаки
3 лажици путер
0.5 л слатка павлака
200 г Алми крем.

За декорација:

чоколаден прелив – Chocola, Fantasia чоколадни капки или трошки за декорација.

Подготовка:

Наполитанките ги сечкаме и ги ставаме во сечко. Миксираме кратко за да се сомелат.
Путерот го растопуваме во микробранова или во сад на оган.
Растопениот путер го додаваме во садот со наполитанките и мешаме да се соединат. Потоа смесата ја распоредуваме во 8 мали чаши.
Слатката павлака ја матиме и ја делиме на два дела, притоа оставаме мала количина за декорација.
Во една чинија ставаме чоколаден крем, а во друга бел крем и ги топиме кратко во микробранова.
Во едниот дел од изматената слатка павлака го додаваме чоколадниот крем и мешаме.
Во другиот дел додаваме од белиот крем и мешаме.
Во чашите ставаме од белиот мус, а потоа од чоколадниот мус. Декорацијата ја завршуваме со изматената слатка павлака, чоколаден прелив или чоколадни капки.

Постапката за подготовка на чоколадниот мус може да ја погледнете и на видеото.

Препорака од авторот:

Од наведените состојки ќе добиете 8 чаши со десерт, а по потреба намалете ја или зголемете ја дозата. Бидете креативни и направете мус по ваш вкус! Може да додадете сечакни потпечени лешници, ореви или кокос по желба. И за крај, ако ти се допадна овој рецепт, заследи ме на социјалните мрежи и разгледај повеќе идеи: