Велигденски слатки јајца со џем од јагоди • Сè за храна

Нека биде празнично и весело! Внесете ја велигденската магија во својот дом и израдувајте ги сите. Пригответе кремасти, велигденски слатки јајца со богат вкус на јагода и тоа само од 4 состојки.

Поканете ги и децата да ви се приклучат во оваа слатка авантура и уживајте во убавите моменти на радост. Подготовката е едноставна, а комбинацијата од бело и розово чоколадо, слатка павлака и џем од јагода ќе го задоволи сечиј вкус!

Состојки:

50 г бело чоколадо за готвење
150 г розово чоколадо за готвење со вкус на јагода
8 мали лажички џем од јагоди од Рес-Ком
100 мл слатка павлака.

Подготовка:

Белото чоколадо искршете го на коцки и растопете го во сад на пареа или во микробранова печка.
Во друг сад ставете 50 г розово чоколадо и растопете го.
Со помош на готварска четка или мала лажичка растопеното чоколадо ставете го во силиконски калап со форма на јајца.
Калапот ставете го во замрзнувач за време од 20 минути.
Во меѓувреме во мал сад на оган ставете ја слатката павлака да се загрее. Во загреаната павлака додајте 100 грама розово чоколадо. Мешајте на тивок оган за да се растопи чоколадото, а смесата да не зоврие.
Штом чоколадото се растопи, тргнете го садот од огнот и оставете го 15 минути да се излади. Потоа смесата ставете ја во сад за матење и изметете ја со миксер додека се згусти и се добие крем.
Чоколадните јајца извадете ги од калапите. Во секое јајце ставете ½ мала лажичка џем од јагоди, а потоа од кремот со слатката павлака. Уживајте во фантастичниот празничен вкус и засладувајте се со вашето ремек дело!

Наша препорака

За највкусни десерти ги препорачуваме џемовите и мармаладите на Res-Kom Resen. Ако сакате да ги испробате слатките јајца, изберете го најдобриот џем од јагоди. Од Рес-Ком имаат и џем од сливи, праска, а сочни десерти може да подготвите и со мармалад од кајсија, шипка или мешано овошје. За да дознаете повеќе за производите на Res-Kom Resen, посетете ја нивната фан страница или нивниот инстаграм профил.