Ивината розева салата е едноставна и се прави многу брзо! Весна ни кажа дека оваа салата ја прави одамна и секогаш за разни поводи, празници… Декоративна е, освежителна , здрава и превкусна!
Одлично оди со месо како гарнир, како мезе, или како салата за главен оброк. Количината на состојките, како и во повеќете рецепти кои ни ги предложува Весна, е оставена на нашата потреба. Направете ја и уживајте.
Состојки:
- Варен ориз басмати
- варено цвекло и сок од цвекло
- варен карфиол
- спанаќ
- мајонез
- павлака
- сол и бел пипер по потреба.
Постапка:
- Басмати оризот е најдобар за вакви салати, а можете да употребите и од кочанскиот. Сварете онолку колку што ви треба.
- Сварете карфиол по потреба, исто така. Ако најдете од оној со виолетов сјај уште поубава ќе ви биде декорацијата. Од карфиолот исечете цветчиња.
- Цвеклото може да го сварите или да искористите од тегла. Исечкајте го на коцки.
- Додека се варат, насечкајте свеж спанаќ.
- Во сад ставете го исечканото цвеклото, цветчињата карфиол, додајте малку сок од цвеклото, мајонез и павлака, сол и црн пипер по вкус.
Пробајте, дотерајте си ја по свој вкус, не ви се потребни мерки! – вели Весна, а ние знаеме дека е во право. Декорирајте по желба, а препорачуваме да не го мешате целиот ориз и да оставите бел за декорација.
Рецептот го испратил: Весна Рор, Со љубов за вас.
Ви препорачуваме да прочитате: Пилешка салата со цвекло.