Ладните денови се одлична можност за уживање во кремасто кафе лате со тиква! Подгответе си вкусен напиток дома. Кремасто уживање за било кое време од денот!
Интересно е што овој напиток содржи малку кафе и млеко, а исто така и ја содржи хранливата тиква која сега ја има во изобилство и е многу здрава намирница. Ова кафе лате ќе ви овозможи ситост и енергичен ден, а најдобро оди кога се пие во друштво со пријателите.
Може да ве интересира: Домашен и природен густи сок од тиква.
Состојки (за 2 лица):
- 1 чаша пире од тиква
- 400 мл млако млеко
- 150 мл сварено црно кафе
- мед или стевиа за засладување по желба
- цимет по вкус
- каранфилче по желба
- по желба малку изматена слатка павлака за декорација.
Подготовка:
- Во блендер ставете го пирето од тиква и додајте го млекото.
- По желба додајте засладувач (стевиа или мед) и цимет, а потоа смесата убаво изблендирајте ја.
- Содржината од блендерот турете ја во високи чаши, а потоа во нив, без да мешате додајте го претходно свареното црно кафе.
- На крај, по желба декорирајте со слатка павлака и цимет. На здравје!
Ви препорачуваме да прочитате: Домашно фрапе од банана.