Гарантирано ќе го израдувате стомакот и сите сетила! Креативната Катерина, инспирирана од италијанската кујна и овој пат ни предлага еден интересен рецепт за интегрална фокача со сладок компир, доматчиња, лукче, оригано… Ароматична гозба за сите љубители на храната!
Може да ве интересира: Посна фокача со фил од туна, кромид и домати.
Состојки:
За тесто:
- 300 гр интегрално пченично брашно
- 100 гр бело пченично брашно
- 100 гр спелтино брашно
- 200 гр варен сладок компир
- 1/2 коцка квасец
- 300 мл топла вода
- 4 лажици маслиново масло
- 1 лажичка сол
- 1/2 лажичка шеќер
За прелив:
- 4 лажици маслиново масло
- 2 лажици вода
- 1 полна лажичка сенф
Останати состојки:
- неколку мали домати
- 4 чешниња лук
- оригано по вкус.
Подготовка:
- Во сад измешајте ги трите вида брашно.
- Додадете ги претходно сварениот и испасиран сладок компир, изронетиот квасец, маслото, солта и шеќерот.
- Постепено додавајте вода и притоа замесете тесто.
- Покријте го и оставете го да нарасне за време од околу 1 час.
- Нараснатото тесто префрлете го во намрсен плех или обложете го со хартија за печење.
- Во сад измешајте ги состојките за преливот и нанесете го врз тестото.
- Покријте го и оставете го повторно околу 1 час за да нарасне.
- Доматите измијте ги, исечете ги на кругови и нанесете ги врз нараснатата фокача.
- Ставете ги и чешнињата лук исечени на тенки кругови и посипете со оригано.
- Печете во загреана рерна на 200 степени, околу 25 минути. На здравје!
Рецептот го испратил: Катерина Милошевска Глигороска.
Ви препорачуваме да прочитате: Медитеранска интегрална фокача со рузмарин.