Со само 20 минути ангажман до 4 порции кремасто пире со јаткаст вкус! Времето на чекање не го сметаме, бидејќи за тоа време може да уживате во нешто друго како на пример омиленото кафе.
Кремасто, рофито и совршено вкусен комфорт! Одлично во засебна варијанта или како прилог, за секој ден, за дома, за гости и за празници!
Состојки:
- 1 кг млади компири
- 1/2 чаша (120 мл) млеко
- 1/2 чаша (120 мл) од водата во која се вареа компирите
- 1-2 лажички сол по вкус
- црн пипер по вкус
- морско оревче – по желба
- магдонос или друг свеж зачин за гарнирање
- 2 лажици ладноцедено масло од тиква од Фила (по вкус може и повеќе).
Подготовка:
- Компирите измијте ги, излупете ги и исечете ги на коцки околу 5 см. Ставете ги во вода со 1 лажиче сол која ги покрива целосно и остануваат барем неколку см вода над нив во тенџерето. Оставете ги да се варат околу 15 минути откако ќе зовријат или додека убаво омекнат.
- Тргнете настрана 1/2 чаша од водата во која се вареле, а потоа процедете ги и испасирајте ги веднаш додека се топли.
- Поросете од зачините, додајте го маслото од тиква и постапно со мешање измеѓу, додајте го прво млекото, а потоа водата од компирите (не наеднаш за да може добро да се распореди и да си ја одберете густината и кремавоста на пирето).
- Пробајте и по желба додајте од зачините дополнително.
- Гарнирајте со свеж магдонос, уште малку масло од тиква и послужете. На здравје!
Совети плус:
- За поизразен ,,јаткаст вкус” ставете повеќе лажици од ладноцеденото масло од тиква.
- Како дополнение на тоа, а и за веган верзија, употребете бадемово млеко наместо кравјо, вкусот е фантазија!
Зошто го вклучивме ладно цеденото масло од тиква во рецептов?
Научно е докажано дека маслото од тиквини семки го регулира нивото на холестеролот, со што се намалува ризикот од срцеви заболувања. Тоа содржи есенцијални масни киселини, Омега-6 и Омега-9, кои го нормализираат нивото на холестеролот, го намалуваат крвниот притисок и ја спречуваат појавата на хипертензија. Изобилува со витамини и минерали и помага за целокупното здравје на човекот. Особено се препорачува:
- за намалување на воспаленијата
- како дополнителна храна за пациенти болни од карцином
- при проблеми со простата
- за подобрување на функцијата на бубрезите
- подобрување на кардиоваскуларниот систем
- помага против опаѓање на косата
- помага во спречување на остеопорозата
- за нега на кожата
- за подобрување на менталното здравје
- дијабетес
- зголемување на производството на млеко кај доилките.
Се надеваме дека ве мотивиравме за да започнете со негово користење. Посетете ја онлајн продавницата на Фила, набавете го, а за повеќе информации заследи ги на Facebook и Instagram и биди во тек со сите новости и акции.
Ви препорачуваме да прочитате: Здрава и лесна крем чорба од тиква.
Следете ја sezahrana.mk и на Instagram и Pinterest.
Рецептот е овозможен од Фила.