Крцкав помфрит со совршена златна боја и текстура директно од вашата рерна! Повеќе не мора да јадите во ресторан, за да уживате во перфектно подготвен помфрит. Сѐ што ви е потребно е да набавите една ќесичка замрзнати компири и да ги следите нашите инструкции. Полесно не може да биде, а крајниот резултат е спектакуларен! За само 20-тина минути на вашата трпеза ќе сервирате крцкав помфрит подготвен во рерна.
Израдувајте ги вашите деца, а и самите себе. Поздрава, но и многу побрза и полесна варијанта на пржените компири, а вкусот е дури и подобар. Пробајте и ќе се уверите и сами!
Состојки:
- 450 г замрзнати компири за помфрит
- ¼ чаша масло
- сол и црн пипер по вкус
- зачини по желба (лук и кромид во прав, чили, оригано или било кој зачин по вкус).
Подготовка:
- Плехот обложете го со хартија за печење, а потоа распоредте ги замрзнатите компири за помфрит.
- Прелијте ги со масло и зачинете ги со сол и црн пипер по вкус. По желба може да ги поросите со лук и кромид во прав, чили, оригано или некој друг зачин.
- Добро измешајте ги компирите за да се распоредат зачините и подредете ги во плехот така што нема да се допираат меѓу себе (најдобро е да бидат во еден слој).
- Вака подготвените компири печете ги во претходно загреана рерна на 200 степени околу 20 минути или додека се готови.
- Печените компири послужете ги додека се топли како прилог по избор или самостојно. На здравје!
Ви препорачуваме да прочитате: Брз рецепт за печење на замрзната риба.