Крцкави и симпатични! Време е да ги пробаме вкусните посни грицки со бадеми од кујната на Катерина! Одлични за целото семејство и за со пријателите.
Може да ве интересира: Посни солени стапчиња со сенф.
Состојки:
- 200 г спелтино брашно
- 50 мл маслиново масло
- 100 г печени бадеми
- 1 полно лажиче прашок за печиво
- околу 8 лажици кисела вода
- хималајска сол по вкус
За посипување:
- сусам по потреба
- хималајска сол по потреба.
Подготовка:
- Бадемите запечете ги на 150 степени, за време од 15 минути, а потоа изблендирајте ги за да се иситнат.
- Во сад ставете ги брашното, бадемите, маслото, прашокот за печиво, сол по вкус и 5 лажици од киселата вода.
- Почнете со месење.
- Ако има потреба додајте уште кисела вода.
- Треба да се добие средно меко тесто.
- Меѓу 2 листа хартија за печење расукајте кора со дебелина по ваша желба.
- Посипете со сусам и со сукало поминете низ кората за да се залепи убаво сусамот.
- Исечете ја кората на коцки и посолете со малку хималајска сол.
- Наредете ги на плех обложен со хартија за печење.
- Печете на 200 степени, околу 20 минути и крцкавите посни грицки со бадеми се готови. На здравје!
Ви препорачуваме да прочитате: Посни грицки со сончоглед и сусам.