Крцкави на прв залак, а сочни во внатрешноста. Едноставно одлични! Пробајте го нашиот рецепт за посни колачиња со фил од јаболка, рум и ореви, создаваат неизмерно уживање!
За домашни забави со пријателите, за со кафе или десерт после оброк, превкусни се.
Состојки:
- 5 филџани вода
- 3 филџани масло
- 1 коцка квасец
- брашно по потреба.
За фил:
- 5-7 јаболкa, зависно од големината
- 2 лажици рум
- 200 гр ситно сечкани или мелени ореви.
За посипување:
- шеќер во прав по потреба.
Подготовка:
- Најпрво подгответе го филот. Јаболката измијте ги, излупете ги и изрендајте ги, па оставете ги малку да се исцедат од водата. Оревите ситно исечкајте ги и измелете ги. Додајте ги во садот со јаболката и турете го румот, па добро измешајте.
- Во сад за месење ставете го квасецот заедно со водата. Откако ќе се стопи квасецот, додајте го маслото и измешајте. Потоа, додавајте брашно по потреба.
- Месете се додека тестото стане средно меко, а потоа од него развлечете правоаголна кора.Кората пресечете ја на половина во должина, така што ќе добиете два правоаголници.
- По должина на секоја од двете правоаголни кори, нанесете од претходно припремениот фил. Свиткајте ролни и исечете ги на парчиња. Можете да сечите право или косо и да добиете поинтересни колачиња.
- Готовите колачиња наредете ги во претходно обложен плех со хартија за печење и оставете ги околу 20-30 минути за да нараснат.
- Печете во загреана рерна на 200 степени додека поруменат. Колачите се крцкави и многу вкусни, а за служење може да ги декорирате со шеќер во прав. На здравје!
Ви препорачуваме да прочитате: Посни ванилици со лимон.