Вкусот кој им го даваат оревчиња е посебен! За време на пости или во било кој ден кога ви се јаде нешто слатко и сочно, срдечно ви ги препорачуваме испробано вкусните посни шербет колачи.
Кате знае што е добро, а ние сигурни во нејзините предлози, од срце ви препорачуваме да ги пробате овие колачи и вкусно да го збогатите кафе дружењето со пријателите.
Состојки:
За тесто:
- 200 мл масло
- 150 мл млака вода
- ½ квасец
- 1 кесичка прашок за печиво
- 100 гр гриз
- брашно по потреба
- по желба сечкани ореви.
За шербет:
- 500 гр шеќер
- 500 мл вода
- 1 кесичка ванилин шеќер.
За валкање (украсување):
- по желба афион
- по желба шарени трошки.
Подготовка:
- Во сад за месење ставете ги сите состојки за тестото и од нив замесете средно меко тесто.
- Од половината тесто формирајте топчиња, а во секое топче ставете по малку сечкани ореви.
- Од другата половина, формирајте издолжени форми, така што ќе земете тесто и ќе формирате топче кое со помош на сукало ќе го развлечете на рапавата страна на рендето.
- Ставете сечкани оревчиња и завиткајте како ролат.
- Колачите наредете ги во плех обложен со хартија за печење.
- Печете ги во загреана рерна на 180 степени додека поруменат.
- Испечените колачи оставете ги да се изладат, а во меѓувреме подгответе го шербетот.
- Во тенџере ставете ги водата, шеќерот и ќесичката ванилини шеќер, па оставете да вријат околу 5 минути. Со топлиот шербет прелејте ги колачињата и оставете ги да го впијат шербетот.
- На крај, дел од посните шербет колачи свалкајте ги во мелени ореви, а дел украсете ги со афион и шарени украсни трошки.
На здравје!
Рецептот го испратил: Катерина Милошевска Глигороска.
Ви предлагаме да прочитате: Посни колачи со пиво, гриз и кокос.