Празниците се ближат и време е да собираме интересни и декоративни идеи! Од ризницата на креативната Катерина имаме нов рецепт за прекрасни желатин обланди. Да ги направиме и да уживаме пријатели!
Секоја прилика кога има собири и празници е совршена да ги направите и послужите.
Состојки:
- 3 листа обланди
- 2 ќесички желатин
- 100 мл вода
- свежо цеден сок од 1 лимон
За шербет:
- 500 г шеќер
- 200 мл вода.
Останати состојки:
- 300 г желе бомбони
- 250 г бисквити
- 100 г суво грозје
- 130 г крем банани.
Подготовка:
- Растворете го желатинот со водата и сокот од лимон и оставете ја смесата во замрзнувач за време од 30 минути.
- Водата и шеќерот зовријте ги, па во млаз со постојано матење со миксер, додајте ги во желатинот.
- Матете додека смесата стане како густа.
- Во изматената смеса додајте ги ситно сечканите желе бомбони, кршените бисквити, сувото грозје и сечканите крем банани. Измешајте.
- Листовите обланда ставете ги врз влажна крпа.
- Врз секој лист обланда ставете од филот, а потоа завиткајте ролат.
- Ставете ги во фрижидер да се стегнат и на здравје!
Рецептот го испратил: Катерина Милошевска Глигороска.
Ви препорачуваме да прочитате: Посна обланда со чоколадо и бисквити.