Кој би рекол дека нешто толку лесно достапно како што е овесна купка може да значи голема помош во моменти кога е потребно? Да, можно е и многу едноставна е примената. Прочитајте ги деталите.
Овесот е одлична храна, која може да се консумира воразни комбинации, печива, десерти, како појадок во комбинација со јогурт или млеко. Има лесен вкус, а може да го ставате во шејкови, смуди и слично. Не содржи глутен, па може да го консумираат и оние кои се сензитивни на истиот. Освен што е корисна и здрава храна, неговата примена е голема и во козметичко-куративни цели. Овесната купка може да го ублажи чешањето од осипите на кожата, на пример оние во вид на екцеми, осипи предизвикани од коприви и отровен бршлен, а што е многу интересно делува доста позитивно и при опекотини од сонцето.
„Овесот содржи група на соединенија кои се нарекуваат авенантрамиди, кои го блокираат ослободувањето на хистамин и драматично го намалуваат црвенилото и чешањето.“ – вели доктор Tieraona Low Dog, автор на книгата Здрави дома: Оздравете и бидете здрави без препишани лекови/рецепти.
Потребно ви е:
- 1 чаша овесни снегулки
- ¼ чаша сода бикарбона
- Чисти здрави хулахопки.
Подготовка:
- Во чист сув сад измешајте ги состојките.
- Потоа, смесата ставете ја во хулахопките и заврзете ги добро.
- Припремете топла купка и во кадата потопете го овесот.
- Лежете 20-30 минути и повторете ако мислите дека има потреба.
Ви предлагаме да прочитате: Маски и купка од овес – решенија за сува кожа.