Хранлива вредност и подготовка на мешункастото богатство азуки грав • Сè за храна

Азуки гравот е уште едно растение од фамилијата на мешунки. Кај нас сеуште не е многу популарен, бидејќи не е својствен за нашето поднебје, туку најчесто се одгледува во Азија. Но, денес се извезува насекаде и е достапен во продавниците за здрава храна. Од овој вид на грав најчесто се продава црвената сорта, но има и други сорти кои се карактеризираат со други бои. Сите сорти на овој грав се многу здрави и се голем извор на разни витамини и минерали, растителни влакна и протеини. Во продолжение прочитајте за тоа како може да го подгответе азуки гравот и за неговата нутритивна вредност.

Како да го зготвите азуки гравот?

Азуки гравот треба да се подготвува непосредно пред консумација. Накиснете ½ шолја грав преку ноќ во вода. Потоа процедете го гравот од водата и варете го во 2 шолји вода во времетраење од 40 минути до 1 час.

Гравот може да го варите со ориз, да засладите со засладувач по ваш избор при што можете да го претворите во вкусен десерт.

Од овој грав може да се добие и брашно кое се користи за добивање на разни производи. Може да се става во супи, може да се пржат зрната и да се користи за подготовка на пијалак кој би го заменувал кафето.

Хранлива вредност и подготовка на мешункастото богатство азуки грав 2

Нутриенти присутни во азуки гравот

Азуки гравот е богат извор на: магнезиум, цинк, железо, бакар, калиум, растителни влакна, манган, молибден и витамини од В комплексот, како што се: тиамин, ниацин, рибофлавин. Во овој грав има и инхибитори на протеазата кои го забавуваат растот на канцерогените клетки.