Секој љубител на чај ќе каже дека ужива во шолја топол пијалок со добра книга, музика, филм или разговор. Но, сите знаеме дека чајот освен што не загрева, има и исклучително корисно дејство. Секој вид на чај има свое влијание врз нашето здравје, а денес ви откриваме кои се здравствените придобивки од консумирање на чај од кромид.
Кромидот е исклучително богат со силен пигмент познат како кверцетин, моќен антиоксидант кој припаѓа на групата флавоноиди. Овој пигмент е одговорен за лековитите својства на различни растенија. Највисока концентрација на кверцетин во кромидот има во неговата кора, поради што, често се препорачува да се користи не излупен. Кромидот е одличен извор на витамините Ц, А, Б и Е па затоа, консумирањето на чај од кромид може да го ревитализира нашето тело и да го подобри целокупното здравје.
За што е корисен чајот од кромид?
- Ја ублажува кашлицата – чајот од кромид има антибактериско дејство и ќе ви помогне за полесно искашлување.
- Го намалува крвниот притисок – ги релаксира артериите и крвните садови, што доведува до подобар проток на крв.
- Помага при кардиоваскуларни проблеми – ја спречува оксидацијата на молекулите на холестеролот кои се лепат на артериите и крвните садови.
- Болки во стомакот – Една шолја чај од кромид ќе го смири вознемирениот желудник и ќе овозможи цревниот систем нормално да функционира.
- Го регулира новото на шеќер во крвта – кромидот е богат со хром, минерал кој ја зголемува толеранцијата на гликоза.
- Орална нега – поради силното антибактериско својство, чајот од кромид ќе ви помогне да се уништат сите бактерии присутни во устата и грлото.
Доволно причини за да консумирате чај од кромид почесто? Еве како да го направите:
Состојки:
- 1 среден кромид со кора
- 600 мл вода
- 2 лажици кафеав шеќер
- мед по желба.
Подготовка:
- Ставете го шеќерот да се растопи на тивок оган (внимавајте да не изгори, бидејќи тогаш станува горчлив).
- Додека се топи шеќерот, подгответе го кромидот. Исечете ги горниот и долниот дел од главата, задржувајќи ја лушпата, а потоа исечете го на 4 дела.
- Кога шеќерот убаво ќе се растопи, промешајте и постепено додавајте ја водата.
- Потоа, додајте го кромидот и оставете да зоврие. Откако ќе зоврие, варете уште 3-4 минути.
- Оставете го чајот да отстои 10-15 минути, а потоа додајте мед по желба.
Ви препорачуваме да прочитате: Лосион од црвен кромид за избелување на пегите на лицето и рацете.