За правењето на овој колач најважно е да се придржувате до дадените инструкции за негова подготовка . Во тој случај ќе бидете сигурни дека колачот ќе биде совршен и нема залудно да ги потрошите состојките и времето. А, речиси сите состојки сигурно веќе ги имате во кујната дома, па потребно е да издвоите само малку време и да им приготвите вкусен чудо колач на вашите најблиски.
Тајната за подготовката на овој колач лежи во мешањето. Инаку, целата процедура е мошне брза и едноставна, што го прави совршен за деновите кога немате многу состојки дома и не ви се прават комплицирани торти, а сепак ви се јаде нешто благо.
Состојки:
За пандишпан:
- 1 јајце
- 200 г шеќер
- 1 ќесичка ванилин шеќер
- 200 мл млеко
- 100 г мелени ореви
- 100 мл масло
- 200 г просеано брашно
- ½ ќесичка прашок за печиво
За фил:
- 350 мл млеко
- 1 пудинг од ванила
- 4 лажици шеќер
- 150 г путер
За посипување:
- чоколадни капки или крупно сечкани ореви, бадеми или лешници.
Подготовка:
- Во длабок сад за матење додајте ги јајцето, шеќерот, ванилиниот шеќер и на крај млекото, а при тоа постојано мешајте. Ова е „најтешкиот“ и најважниот дел од рецептот. Додајте прво околу 100 мл млеко и мешајте околу 3 минути, па дури потоа дотурете го и остатокот од млекото.
- Потоа додајте ги оревите и маслото со постојано мешање. Суштината на овој рецепт е сите состојки добро да се измешаат. Затоа, откако ќе го додадете маслото мешајте уште околу 2 минути.
- Во брашното додајте го прашокот за печиво.
- Брашното додајте го во садот со јајца и млеко и повторно мешајте уште неколку минути, додека тестото стане малку погусто од смеса за палачинки.
- Плехот за печење со димензии 35*20см, премачкајте го со малку растопен путер и набрашнете го. Вишокот брашно истресете го.
- Во вака подготвениот плех турете ја смесата за колачот.
- Печете во претходно загреана рерна на 170 степени, околу 25 минути.
- Во меѓувреме подгответе го филот. Во длабок сад на оган додајте го ладното млеко.
- Потоа во малку млеко додајте 1 ќесичка прашок за пудинг од ванила и шеќер, па добро промешајте за да се растопат грутките од пудингот.
- Млекото кратко зовријте го. Турете го претходно припремениот пудинг со константно мешање. Пудингот варете го околу 1 минута.
- Вака подготвениот фил веднаш турете го врз готовиот колач и добро размачкајте го.
- Врз топлиот фил распоредете ги чоколадните капки или декорирајте го со крупно сечени ореви, бадеми или лешници.
- Колачот пред сервирање треба да се излади околу 2 часа, а потоа може да се послужи. На здравје!
Ви препорачуваме да прочитате: Потурен колач по арапски рецепт.