4 домашни третмани против црвенило и испукани капилари на лицето 1

4 домашни третмани против црвенило и испукани капилари на лицето

Секој човек мечтае за здрава и мазна кожа. Но, за жал, многу луѓе ги измачуваат кожните проблеми како што се црвенило и испукани капилари на лицето. Оваа состојба медицински е позната како купероза и сеуште не се познати нејзините предизвикувачи. Се претпоставува дека за тоа се виновни гените и ослабеното сврзно ткиво, но за нејзиното појавување секако се одговорни и некои внатрешни и надворешни фактори како стрес, УВ зрачење, алкохол, кофеин, презачинета храна или хормонална нерамнотежа.

Од овие непријатни појави на лицето може да се ослободите со помош на ефикасни и проверени народни средства. Во продолжение ви претставуваме неколку домашни третмани против црвенило и испукани капилари на лицето.

4 домашни третмани против црвенило и испукани капилари на лицето 2

Третман со алое вера

Состојки:

  • листови од алое вера
  • зелен или црн чај

Начин на користење:

  1. Исечете надолго еден лист од алое вера и чувајте го неколку дена во фрижидер.
  2. Пред спиење лицето темелно исчистете го со зелен или црн чај, а потоа премачкајте го со исечената страна од листот од алое вера. Доколку почуствувате слабо печење, обидете се да издржите, бидејќи тоа најчесто се повлекува после 2-3 третмани.
  3. Оваа постапка повторувајте ја на секој втор ден за време од 2 недели.

Третман со зелен домат

Состојки:

  • зелен домат
  • хидратантен крем

Начин на користење:

  1. Исечете го зелениот домат на парчиња и ставајте го на проблематичните делови на кожата од лицето и држете го околу 3 минути. Зелениот домат содржи киселини кои активно дејствуваат во намалувањето на црвенилото и испуканите капилари.
  2. Потоа, на лицете нанесете хидратантен крем.
  3. Постапката повторувајте ја 10 дена.

Третман со магдонос и млеко

Состојки:

  • 1 китка магдонос
  • 100 мл врела вода
  • 50 мл млеко

Начин на подготовка и употреба:

  1. Ставете една китка магдонос во стаклен сад и прелијте ја со 100 мл врела вода. Садот покријте го и оставете го да стои околу ½ час.
  2. Потоа процедете го магдоносот и во водата додајте 50 мл млеко.
  3. Со добиената смеса натопете една помала памучна крпа, исцедете ја и ставете ја на лицето. Крпата држете ја околу 20 минути.
  4. Постапката повторувајте ја секојдневно за време од 20 дена, а потоа практикувајте ја по потреба.

Третман со жалфија и млеко

Состојки:

  • 4 лажици сува жалфија
  • 200 мл врела вода
  • 200 мл млеко

Начин на подготовка и употреба:

  1. Во стаклен сад ставете 4 лажици сува жалфија и прелијте ја со 200 мл врела вода.  Садот затворете го и оставете го да стои околу 10 минути.
  2. Потоа процедете ја течноста од жалфијата и во неа додајте 200 мл млеко.
  3. Лицето измијте го со вода, а потоа темелно пребришете го со оваа течност. После 10 минути премијте го лицето со преостанатата течност, а потоа преплакнете го со ладна вода неколку пати.
  4. Постапката може да ја повторувате секојдневно или се додека забележите подобрување на кожата на лицето.

Совет плус: Покрај овие третмани, за да се ослободите од овие непријатни кожни проблеми треба да го смените и животниот стил. Оставете ги цигарите и алкохолот, вежбајте и хранете се здраво.

Ви препорачуваме да прочитате: Домашен третман за намалување на флеките на лицето.

Сподели: