Ако немаш искуство, да се направи торта е предизвик! Слатката вкусна авантура започнува со подготовка на совршен пандишпан за торта, па без разлика дали имаш искуство или немаш воопшто, веруваме дека овие совети и тоа како ќе ти користат и дека ќе ти помогнат гарантирано да уживаш во своето дело!
Во овој текст, ќе ги најдеш одговорите на сите прашања и ќе дознаеш како да избегнеш грешки при наредната подготовка на торта.
Општи фактори кои влијаат на крајниот ефект на пандишпанот
Тортите секогаш изгледаат привлечно, но доколку ги подготвувате сами, а немате доволно искуство, тогаш може вашата торта да не биде како што сте посакувале. Квалитетот на состојките кои ги користите, свежината на јајцата, температурата и времето печење на пандишпанот, се дел од факторите кои може да влијаат да добиете различен резултат при приготвувањето на десертот, и покрај тоа што ја правите тортата по истиот рецепт.
Јајцата за подготовка на совршен пандишпан нека се на собна температура барем 2 часа
Убавите торти кои се припремат за специјални прилики, најчесто се прават со неколку слоеви од пандишпан и фил. Пандишпаните за торта најчесто се прават од јајца, шеќер, брашно, ореви, лешници, бадеми и др. Пред да ги матите јајцата, оставете ги на собна температура најмалку 2 часа.
Садот за матење задолжително да е лист и потполно сув
Садот во кој ги матите јајцата, мора да биде чист и сув. Доколку имате неколку капки вода, или претходно сте го користеле за подготовка на фил и слично, можно е јајца да не се изматат добро и да не ја постигнат посакуваната цврстина.
Брашното и останатите суви состојки прво измешајте ги во одделен сад
При подготвувањето на смесата, во длабок сад ставете ги брашното и прашокот за печиво, добро измешајте ги, а потоа пресејте ги со сито. За најдобра текстура на тортата избери Екстра бело брашно од Жито Лукс.
Матените јајца со сувите состојки мешајте ги со лажица и нежно
Измешаното брашно со печивото, додајте го во садот со јајцата и секогаш мешајте со лажица. Така ќе добиете смеса без грутчиња, а при печењето пандишпанот лесно ќе нарасне.
За еднакви пандишпани најлесно е да печете одделно повеќе пати
За да добиете пандишпани со еднаква дебелина, најдобро е секој да се подготвува и пече посебно. Некои практикуваат да приготват еден пандишпан, а потоа да го пресечат хоризонтално, на 2 или 3 делови, но доколку немате искуство, ве советуваме да не го правите тоа.
Ако веќе печете еден подебел пандишпан сечете го внимателно
При сечењето, пандишпанот може лесно да се искрши и да не се добијат посакуваните парчиња со еднаква дебелина. Пред сечење измерете со линијар и означете на места за да знаете како да продолжите. Сечењето може да го направите со конец или подобро со остар, но тенок нож со долго сечил и по можност на основа која се врти.
Пред печење припремете ја тавата или калапот соодветно
Смесата за пандишпан ставете ја во калап кој може лесно да се отвора, а пред печење калапот намрсете го и посипете го со Екстра бело брашно. За полесно, може да користите хартија за печење.
Печењето е еден од клучните фактори
Пандишпаните мора да се печат постепено и на умерена температура. Затоа, секогаш печете ги во загреана рерна и потрудете се да не ја отворате рерната додека видите дека е убаво печен, а посебно не во почетокот на печењето или на секои 5 минути, зашто пандишпанот ќе биде нерамен и многу веројатно со длапка во средината, а високи рабови.
Совети плус:
- Ако кората на пандишпанот веќе потемнела, а сметате дека внатрешноста не е доволно печена, тавата во која се печи пандишпанот, прекријте ја со алуминиумска фолија.
- За да сте сигурни во квалитетот на пандишпанот препорачуваме да користите Екстра бело брашно од Жито Лукс, со кое текстурата и вкусот на десертите се загарантирани.
Ти се допаднаа овие совети? Сакаш да направиме подетален водич кој ќе ти помогне во твоите слаткарски авантури?! – Пиши ни во коментар и сподели го текстот со пријателите.
Може да те интересира:
- Совети и препораки за најдобар велигденски козињак (милиброд)
- Слаткарски водич: 5 важни совети за успешни десерти.
Патот до совршен пандишпан е овозможен од Жито Лукс и препорачуваме, заследи ги на Facebook и Instagram за сите новости, дарувања и акции!