Празници се ближат! Преубави идеи се нижат! Божиќната бајка започна! За сите кои постат имам супер рецепт за посна касато торта. Се прави без печење, брза е и превкусна. Идеална за Св. Никола, и другите посни слави. Декорирана во новогодишен стил, ги освои симпатиите на многумина.
А знаеш што е најдобро? Секој може да ја направи! Нема печење, може да се замрзни, а ако ги следиш чекорите, гарантирам дека нема да има грешка.“ – вели Марија Кочовска.
Состојки:
- 400 г посни бисквити
- 100 – 150 г посни желе коцки
- 100 -150 г г потпечени ореви
- 100 г суво грозје
- 300 мл сок од портокал
- 100 мл вода
- 200 г чоколадо за готвење
- 60 г маргарин
- 2 лажици рум
- 100 г посно бело чоколадо за декорација.
Подготовка:
- Сувото грозје ставете го во чинија и прелијте го со врела вода. Додајте 1 лажица рум и оставете го за време од 10-15 минути.
- Бисквитите искршете ги на покрупни парчиња и ставете ги во длабок сад. Оревите крупно исечкајте ги или измелете ги. Желе бонбоните исечкајте ги на мали коцки. Оревите, исцеденото суво грозје и желето додајте ги во садот со бисквитите. Измешајте.
- За подготовка на тортата може да користите голема длабока чинија за салата, калап за куглоф или калап за торта. Чинијата или калапот обложете го со најлонска фолија од FINO.
- Во тенџере на оган ставете ги водата, сокот од портокал, чоколадото и маргаринот. Измешајте додека чоколадото се растопи. На крај, додајте го румот. Течноста додајте ја во садот со бисквитите. Измешајте за да се соединат состојките и ставете ја смесата во чинија. Израмнете и чинијата обложете ја со најлонска фолија и од горната страна. Тортата ставете ја во фрижидер неколку часа, а најдобро е преку ноќ. Потоа превртете ја врз чинија за служење.
- Белото чоколадо растопете го на пареа. Тортата декорирајте ја со растопено чоколадо и новогодишни мотиви. Уживајте во празниците!
Совети плус:
- Сувото грозје немојте да го стискате при цедењето.
- Тортата може да ја замрзнете 30-тина минути пред да ја превртите и да ја декорирате. Оваа постапка е важна доколку користите силиконски калап за куглоф.
- Користете најлонска фолија од FINO, за да добиете најдобар резултат. Еластична е, не дозволува тортата да прими мирис од другите намирници во фрижидерот, а и лесно се отстранува.
- Ти се допадна рецептот? Ако си во потрага и по други испробани рецепти и идеи за празничната трпеза, посети ги моите профили на социјалните мрежи и пронајди ја твојата инспирација. Разгледај и заследиме на:
- Instagram – @kocovska.marija
- Facebook – Marija Kocovska
- Youtube – Marija Kocovska
- Tik Tok – @marija.kochovska.
Може да те интересира: 3 совети за чистење на рерната со сода бикарбона.
*Рецептот е поддржан од FINO Makedonija.