Имаме супер предлог за здрав појадок кој ќе ги направи утрата уште подобри! Направете си кремасто смути со јаболко и банана. Изобилува со растителни протеини, растителни влакна кои се важни за добар метаболизам, како и здрави масти. Не содржи шеќер, а ќе ја подигне вашата енергија и расположение. Совршено вкусно за секој од нас!
А за да ве мотивираме да го направите уште денес, ви презентираме некои придобивки од консумацијата на смутито со јаболко и банана.
- направено е со природни состојки,
- има кремаст вкус,
- не содржи додаден шеќер,
- претставува добро балансиран оброк,
- богато е со хранливи состојки,
- богато е со калиум, калциум и железо,
- збогатено е со антивоспалителниот супер зачин – цејлонски цимет
- и е слатко и многу вкусно!
Состојки:
- 1 поголемо јаболко
- 1 зрела банана
- 1 лажичка путер од кикирики
- 2 лажици овесни снегулки
- 1 мала лажичка цимет во прав
- ½ мала лажичка екстракт од ванила
- ½ чаша бадемово млеко.
Подготовка:
- Јаболкото и банана излупете ги и исечете ги на парчиња.
- Во блендер ставете ги парчињата јаболко, бананата, путерот од кикирики, овесните снегулки, циметот, ванилата и бадемовото млеко. Миксирајте ги состојките додека добиете хомогена смеса. По желба додајте уште млеко или вода доколку сакате потечно смути. На здравје!
Ви предлагаме да прочитате: Посно чоколадно смути.