ѓумбир

Ѓумбир – 7 придобивки за кои не сте знаеле!

Ѓумбирот се применува во многу кујни поради специфичната арома и пикантно лутиот вкус, но исто така и заради неговите лековити својства.  Може да се додаде во супи, маринади, главни јадења, десерти, или пак да се користи како зачин и природен конзерванс во храната. Повеќе од 2000 години тој се користел како зачин и лек, па до денес луѓето го користат поради неговите моќни дејства врз организмот.

ѓумбир

Здравствените придобивки од ѓумбирот, за кои не сте знаеле се следните:

  1. Ја одржува нормалната циркулацијата на крвта. Ѓумбирот содржи магнезиум, хром и цинк кои го подобруваат протокот на крвта во телото, а исто така корисен е за намалување на покачена температура и прекумерно потење.
  2. Ја подобрува апсорпцијата. Ѓумбирот ја подобрува апсорпцијата на есенцијалните хранливи материи во телото, преку поттикнување на секрецијата на желудочните и панкреасните ензими.
  3. Превенира појава на настинки и грип. Илјадници години во регионот на Азија, ѓумбирот се користи како природен лек за настинки и грип. Неговата лековитост е потврдена и од Одделот за медицина при Универзитетот во Мериланд, кои препорачуваат да се пие чај од ѓумбир за лекување на настинка и грип кај возрасните.
  4. Го подобрува варењето на храната. За правилно варење на храната, консумирајте ѓумбир. Тој ја подобрува апсорпцијата и ги намалува грчевите во стомакот. Карактеристично е тоа што ѓумбирот го намалува воспалението, со сличен ефект како аспиринот и ибупрофенот.
  5. Превенира канцер на дебелото црево. Една студија на Универзитетот во Минесота утврди дека ѓумбирот може да го забави растот на клетките од канцер на дебелото црево.
  6. Ја намалува болката и воспалението. Благодарение на антивоспалителниете состојки кои ги содржи, ѓумбирот на природен начин ја намалува болката.
  7. Го зајакнува имунитетот. Ѓумбирот помага да се подобри имунолошкиот систем. Редовното консумирањето на ѓумбир го намалува ризикот од мозочен удар, стомачни бактериски инфекции, а многу е корисен при иритација на грлото и кашлица.

Сподели: