Овие брзи посни бомбици со кокос се идеални кога ви се јаде нешто благо, а сакате да е здраво и да не губите многу време за подготовка, ниту да валкате садови. Нашиов рецепт ќе ве освои! – Ем ќе имате вкусен десерт кога и да посакате, ем кујната ќе ви биде чиста, а што е најважно, телото ќе ви биде благодарно за прекрасната енергија која се должи на избраните состојки!
„Кога се љуби, ништо не е тешко! Со мерак издвојте неколку часа за да подготвите нешто извонредно за сите сетила и да пренесете топла порака „важен/а си ми“! Пробајте го мојот кремаст чоколаден чизкејк во чаша, зашто чоколадото е зачин кој ја негува љубовта и ја потсетува да трае.“ – со љубов раскажува Катерина од нашиот тим.
Одличен рецепт кој ќе ви го исполни домот со мирис на цимет, јаболко и бадеми. Совршениот спој на овошје, житарки, јатки и ароматични зачини прават нутритивна бомба која ем ќе ве најаде, ем ќе ве исполни со енергија. Прекрасниот вкус на печени јаболка со овесни снегулки, цимет и бадеми ќе ве натера да го подготвувате овој лесен десерт цела зима, повторно и повторно!
„Среќна сум што ќе ја збогатам ризницата од рецепти на sezahrana.mk со традиционален семеен рецепт, каков што досега немавме!“ – со радост вели Катерина од нашиот тим. Нејзиниот син беше инспирација за таа да ни го приготви и сподели превкусното и многу лично турте за прво запче. Се надеваме дека многу мајки ќе го испробаат и ќе уживаат во подготовката, а со тоа ќе придонесат во негување и зачувување на богатите традиционални вредности на нашата земја.
Се радуваме кога ве инспирираме и мотивираме да ги направите најубавите десерти! – Нашата читателка Ирена ја подготви превкусната посна овошна торта без печење и нѐ покани на дегустација. Инспирирана од рецептот за посни колачи во чаша на Марија од нашиот тим, направи комбинација со тропско овошје – ананас и банана.
Ова се највкусните посни колачи во чаша кои сме ги пробале! Марија од нашиот тим по повод кулинарскиот предизвик со Витаминка ја приготви оваа слатка магија. Супер се за славите кои доаѓаат, а штом ги направите веруваме дека и вам ќе ви бидат омилени. Постите нека бидат полесни, со најдобрите испробани рецепти од sezahrana.mk.
Новогодишните празници се прекрасна прилика за приготвување на најубавите и највкусни слатки задоволства! Тоа се денови кои поминуваат со најблиските во спокој, добро расположените и мирис на пресно подготвена храна. Па, токму по тој повод, ви го претставуваме рецептот за нашите омилени распукани колачиња. Нека замириса целиот дом на убавини!
Овошните колачи се лесни и свежи за јадење, па затоа ни се меѓу омилените. Тие ни се непресушен извор на инспирација за наоѓање и осмислување на нови рецепти. Во оваа прилика споделуваме со вас токму таков лесен и едноставен рецепт за брз колач со овошје кој се прави со намирници кои сите ги имаме дома.
