Ние од sezahrana.mk ја почитуваме традиционалната кујна, а често пати сакаме да внесуваме и некои од поновите модерни трендови во храната. Така дојдовме на идеја, да пробаме да направиме ајвар со ладно цедено сончогледово масло. Вкусот е многу сличен на традиционалниот и баш е сладок со топол леб и сирење.
Еден од џемовите кој традиционално се припрема во нашите домови е џем од црни сливи. За негова подготовка најдобро е да се користат црни сливи кои се зрели и меки. Ние денес ви претставуваме еден малку поинаков рецепт за џем од црни сливи со чоколадо приготвен во рерна, а многу вкусен за целото семејство.
Ако и вие како нашата уредничка Катерина сте љубители на домашна вкусна храна, подготвена од состојки по ваш избор, пробајте го нејзниот рецепт за мешан мармалад без конзерванси, кој беше објавен и во последниот број на списанието Добра Храна. За да звучи и да е уште подобро, ни го приготви со кафеав шеќер. Супер за целото семејство!
Во лето има најразновидно и највкусно овошје, нели? Сите ние ја користиме секоја прилика да уживаме во вкусот на летните плодови. Едно од многуте слатки овошја е и малината за која веруваме дека е најомилена кај децата. А што кога ќе помине летото и ќе заврши сезоната на малините? – За да не го заборавиме нивниот вкус и во зима супер би било да си направиме домашен сок од малини без варење.
Летото е совршено време за подготовка на здрави домашни пијалаци од сезонското овошје, меѓу кои се и малините. Овие плодови, за кои се верува дека биле консумирани од пештерските луѓе, се богати со антиоксиданси и други хранливи материи. Рецептите со малини се омилени на многумина, а во оваа прилика и по барање на нашите читатели споделуваме рецепт за домашен сируп од малини.
Да го зачуваме вкусот на летото во тегли! Ако досега не сте правеле слатко од лубеница, сега е вистинско време за да го направите тоа. Искористе ја приликата и задржете го овој прекрасен вкус за зимските денови! Што е најважно состојките не се скапи, само ќе ви треба малку повеќе време за да го подготвите овошјето.
Во потрага сме по иновативни и креативни рецепти за зимница, кои порано ги подготвувале нашите предци, а денес се повеќе се запоставуваат и забораваат поради брзото темпо на живот. Особено ги сакаме оние рецепти кои се ем здрави, ем вкусни. А, сите ние знаеме колку е корисен лукот, па затоа денес ви претставуваме еден рецепт за одлична зимница со овој лековит зеленчук. Станува збор за мариниран лук во тегли.
Сочувајте го најдоброто од есента и спакувајте ги есенските вкусови во шише, така што ќе си направите вкусен сок од дуњи. Дуњите ги имаме во изобилство, па жално е истите да не се искористат. Од нив може да се направат вкусни џемови, мармалади и сокови. Прекрасен рецепт за густи сок од дуњи и тоа без конзерванси ни доаѓа од кујната на Лана.