10 годишнината ја заокруживме со јубилејна победа! sezahrana.mk е победник во категорија Храна и Здравје!

Заедно се дружевме цела година! Драги читатели, време е да прославиме за нов почеток и уште една убава година. Ние ви посакуваме многу здравје, радост, среќа и успеси во годината која е пред нас.  

Чест и задоволство е да се биде меѓу најдобрите сајтови во Македонија седма година по ред! Пријатели, време е да славиме! Да славиме сите заедно и да се радуваме на уште еден заеднички успех. Сѐ за храна помеѓу победниците на Сајт на годината 2019!

По повод Светскиот ден на храната (16-ти Октомври), Сѐ за храна одржа едукативно и интерактивно предавање во училиштето Коле Канински во Битола.

По трет пат во Битола, во организација на Американското Катче Битола и Амбасадата на САД во Македонија, се одржа Саем за волонтеризам 2017 . Саемот беше отворен за сите и посетен од голем број средношколци, студенти и млади професионалци кои се запознаа со актуелните волонтерски можности во Битола, регионот и Европа. На саемот се претставија 10 невладини организации од Битола и регионот, кои на заитересираните им ги презентираа своите волонтерски можности и ги споделија нивните успешни приказни и проекти.

Да го подобриме здравјето и да им ставиме крај на срцевите заболувања, високиот крвен притисок, артериосклерозата, покачениот холестерол, триглицеридите… Тоа се дел од целите на настанот „Здрави навики за здрав срцев ритам“ кој беше најавен во утринската емисија „Ја сакам Македонија“ на ТВ Сител.

На 23 Февруари во просториите на Американското катче во Битола, основачите на sezahrana.mk одржаа предавање за подобрување на животот на тема „Здрава храна за здраво срце“.

Помина уште една убава година, споделуваме рецепти, совети за здравјето и кујната, правевме домашни лекови и дегустиравме традиционална храна. Се дружевме на настани, го одржавме првото предавање на тема „Подобра исхрана, подобар живот“ во Битола, се дружевме со средношколците и разговаравме за седечкиот начин на живот и исхраната, се дружевме и со студентите од повеќе факултети и разговаравме за различни теми поврзани со исхраната и здравјето. Шетавме со нашите автори и пријатели, ги откривавме убавините на Македонија, а најповеќе уживавме во вкусот на традиционалната храна. Учествувавме во повеќе ТВ емисии, готвевме во живо и споделувавме препораки на различни теми. Бевме дел од повеќе хуманитарни акции и дониравме онаму каде што беше најпотребно. И на крај, сите вие кои ја поддржувате нашата работа, гласавте на изборот за најдобар сајт 2016. Со заеднички сили, љубов и желба, сите ние потврдивме дека храната е област која многу ни значи, па драги пријатели заедно е да го прославиме освноеното второ место на изборот на сајт на годината 2016.

Да придонесеме сите по малку за да стане многу! – тоа е една од препораките кои беа споделени од уредниците на sezahrana.mk , М-р Катерина Шамбевска и М-р Марија Кочовска, по повод светскиот ден на храната во рамките на утринската емисија „Ја сакам Македонија“, која се емитува на ТВ Сител.

По повод Светскиот ден на храната кој секоја година се одбележува на 16 Октомври, уредниците на sezahrana.mk , М-р Катерина Шамбевска и М-р Марија Кочовска зедоа учество во емисијата „Пелагонија на дланка“, реализирана од ТВ Орбис. Темата на разговор потекна по повод овогодинешното одбележување на светскиот ден на храната, под мотото „Климата се менува, храната и земјоделство мора да се менуваат“.

М-р Марија Кочовска и М-р Катерина Шамбевска, основачите на ЗЕК Се за храна и главни уредници на sezahrana.mk, по покана на Универзитетот „Св. Климент Охридски“ – Битола, овој месец пред студентите од насоката Нутрицинизам, одржаа предавање на тема „Мојата успешна приказна“.