американски палачинки со интегрално брашно

Американски палачинки со интегрално брашно

Сте размислувале како да направите оброк со кој нема да ги зголемите килограмите, а сепак да биде вкусен за јадење? – Tука се американските палачинки со интегрално брашно кои можете да ги комбинирате по ваш вкус.  

Доаѓа летото и секој би сакал да ужива во храната, а притоа да биде фит. Затоа, овој период треба да се прават мудри избори и да се посегне по пониско калорична, но нутритивно богата храна. А такви се и овие палачинки, направени од интегрално брашно и без шеќер. Пробајте и уживајте!

американски палачинки со интегрално брашно

Состојки:

  • 140 грама интегрално брашно
  • 2 јајца
  • 250 мл млеко
  • 2 лажици масло
  • 1 лажица мед или стевиа
  • 1 лажица сода бикарбона
  • ½ мала лажичка цимет
  • прстофат сол.

За прилог:

  • банана
  • јаворов сируп, мед или друг засладувач по желба
  • свежо или замрзнато овошје.

Подготовка:

  1. Во подлабок сад измешајте ги сите суви состојки (брашното, солта, зачините и содата бикарбона).
  2. Во друг сад ставете ги јајцата, маслото, млекото и медот. Измешајте убаво со жица за матење.
  3. Во садот со сувите состојки додајте ја смесата со јајцата и млекото. Измешајте со жицата за да се соединат состојките. Смесата оставете ја да отстои за време од 15 до 20 минути.
  4. Тавата за палачинки намрсете ја со малку масло и добро загрејте ја. Со помош на лажица земете од смесата и формирајте палачинка.
  5. Печете околу минута и пол на едната страна, или додека забележите меурчиња по површината на палачинката. Потоа, превртете ја палачинката на другата страна и продолжете со печењето уште 1 минута. На втората страна печењето трае пократко.
  6. Топлите палачинки сервирајте ги свежо овошје, мед и јаткасти плодови по желба. Уживајте во светот на вкусовите!

Ви предлагаме да прочитате: Посни мини пица палачинки.

Сподели: