Баклавата е еден од омилените десерти на нашите простори и ја има во разни варијанти за приготвување, а овој рецепт за баклава со ф`стаци е нашата испробана добитна комбинација за сензационално задоволство.
Состојки:
- 400 гр готови кори за баклава
- 200 гр исчистени ф`стаци (може и малку повеќе по желба)
- 200 гр путер или маргарин
- 100 гр кисела вода
- малку масло за попрскување од горе (околу 50 мл)
За шербет:
- 550 гр шеќер
- 700 гр вода
- 3 лажици мед
- 1 лажиче цимет.
Подготовка:
- Ф`стаците изблендирајте ги, така што ќе оставите и покрупни парчиња или ситно исечкајте ги.
- Путерот растопете го.
- Ако корите за баклава се многу танки кори редете ги по 4 за секоја ролна. Доколку користите поцврсти/подебели, доволно е да ставите две кори.
- Помеѓу секоја кора попрскајте малку путер, вклучувајќи ја и најгорната кора врз која се поставува филот.
- Филот, односно мелените ф`стаци, се става на почетокот на кората во еден ред и потоа корите се виткаат во ролна. Додека виткате, краевите малку свиткајте ги на внатре за филот да не истекува. Виткајте малку лабаво, без голем притисок.
- Наредените кори одозгора попрскајте ги со маслото и киселата вода, а доколку ви останал стопен путер можете да го додадете и него.
- Така припремените кори исечете ги на парчиња со големина која вам ви одговара.
- Печете на 190 степени додека кората од горе не добие од убава жолта кора.
- Во меѓувреме сварете го шербетот. Водата и шеќерот нека вријат околу 10 минути, а потоа додадете го медот и на крај циметот. Варете уште околу 5 минути, зависно од тоа колку сакате да е густ шербетот.
- Се потура ладен или млак шербет врз ладна баклава, или топол (но никако жежок) шербет врз топла баклава.
- Оставете неколку часа да се впие шербетот.
- По желба може да го декорирате секое парче со дробени ф`стаци.
Рецептот го испратил: Клара Бос.