Има разни рецепти за подготовка на десерти од ваков тип, но не сите се едноставни лесни и брзи како што е овој за нашите превкусни брзи мафини со сечкано чоколадо.
Во случај да сакате да си направите мафини, а се придржувате до одреден режим на исхрана кој се држи до што помалку калории, повелете соодветен рецепт за чоколадни мафини без брашно и без глутен. Но, да се вратиме на нашиот брз и лесен рецепт за мафини кој е предлог на одличната Невена, еве како да ги направите!
Состојки:
За 7 мафини:
- 120 мл млеко
- 90 гр путер (омекнат на собна температура)
- 200 гр брашно
- 50 гр сечкано чоколадо за готвење
- 2 ќесички ванилин шеќер
- 1 лажиче прашок за печиво
- 1/2 лажиче сода бикарбона
- 2 јајца
- 110 гр шеќер.
Подготовка:
- Во сад за матење се ставаат јајцата и млекото и се матат со помош на вилушка.
- Во друг сад со миксер се матат путерот, шеќерот и ванилиниот шеќер за да се добие изедначена смеса.
- Се додаваат претходно изматените јајца и млеко, па се продолжува со матење за убаво да се соединат состојките.
- Потоа се додаваат брашното, печивото, содата и сечканото чоколадо и со најмала брзина на миксерот кратко се меша.
- Се полнат калапите обложени со хартиени кошнички и во секој се ставаат по неколу коцки сечкано чоколадо.
- Чоколадните брзи мафини се печат на 180 степени за време од околу 20-25 минути.
- Се исклучува рерната, а мафините се оставаат уште 5 минути во неа.
- Оставете ги да изладат и послужете ги.
На здравје!
Рецептот го испратил: Невена Ѓероска.
Ви предлагаме да прочитате: Чоколадни мафини со ореви.