Овој лесен рецепт за брз мармалад од печени сливи му се допадна на секој кој слушна за него! Ние го практикуваме со години наназад, а разликата во последните години е што наместо со бел, го правиме со кафеав шеќер. Ем вкусно, ем многу поздраво.
Поедноставно здравје, од само 2 состојки. И сега, кога сезоната е на сливи е тука, сите може да си подготвиме вкусни залихи на мармалад од ова овошје. Како што спомнавме, наместо обичниот бел шеќер го користиме Демерара кафеавиот шеќер на Natura и топло препорачуваме да го пробате, зашто дава навистина супер вкус.
Состојки:
- 3 кг црни сливи
- 1 кг Демерара кафеав шеќер
*По желба и за поинтензивен мирис на мармаладот, може да додадете и ванилин шеќер од Fantasia во количина по желба.
Подготовка:
- Сливите прво измијте ги, а потоа исушете ги. Тоа може да го направите со помош на чиста кујнска крпа или да ги оставите малку на постојат.
- Потоа, пресечете ги на половина и отстранете им ги семките.
- Во меѓувреме, загрејте ја рерната на 200 степени.
- Исчистените сливи измешајте ги со Демерара кафеавиот шеќер и ванилиниот шеќер ако одлучите да го додадете. Потоа ставете ги во длабока тава со капак, но бидете внимателни тавата да не биде пренатрупана со сливите бидејќи џемот ќе врие.
- Тавата поклопете ја со капакот и ставете ја на средината во рерната. Првите 30 минути чувајте ја поклопена, а потоа измешајте ги сливите и отстранете го капакот и оставете го мармаладот да се пече околу 2,5 часа. При тоа, повремено мешајте.
- Готовиот мармалад извадете го од рерната и ставете го во топли стерилизирани тегли (10-тина минути на 100 степени). Теглите затворете ги со капаци и вратете ги во топлата рерна уште 15 минути. Исклучете ја рерната и оставете ги да се изладат.
Ви препорачуваме да прочитате: Домашен компот од црни сливи со кафеав шеќер.