Домашна чорба со пилешко месо и зеленчук • Сè за храна

Вкусна бела чорба со пилешко месо и зеленчук. Идеална за ладните зимски денови. Може да ја послужите како главно јадење или лесна вечера. Пробајте ја, ќе ви се допадне!

Ако сте љубител на супи и чорби, ова е вистинскиот рецепт за вас. Домашна чорба со пилешко месо и зеленчук која ќе ви ја згрее душата и ќе ве освежи.

Состојки:

1/2 кг пилешки стек од Слога
100 г корен од магдонос
100 г корен од пашканат
100 г корен од целер
100 г царски микс или грашок од Royal Veggies на Слога
200 г моркови
200 г компири
1 помала главица кромид
2 чешниња лук
1 л ладна вода
1 лажичка мелен црн пипер
2 лажички сув мешан зачин
1 жолчка
100 мл неутрална павлака за готвење
2 лажици пченкарно брашно.

Подготовка:

Пилешкото месо и зеленчукот исечкајте го на коцки.
Ставете ги во подлабок сад и прелијте ги со ладна вода. Откако ќе зоврие, посипете со мелен пипер и сув мешан зачин. Намалете ја температурата и варете ја чорбата на средна температура (во покрие сад) 30-40 минути, во зависност од шпоретот. 5-10 минути пред крајот на варењето, додајте 100 г царски микс или грашок.
Јајцето скршете го и одвојте ја белката од жолчката. Ставете ја жолчката во помал сад и додајте го кремот за готвење. Измешајте со жица за матење. Додајте го пченкарно брашно и изматете за да не останат грутчиња.
Смесата постепено додавајте ја во зовриената чорба со постојано мешање. По потреба, додајте зачини. Варете уште 2-3 минути и тргнете го садот од оган.
Готовата чорба декорирајте ја со магдонос по желба и послужете ја.

Совети плус:

По желба, за подобар вкус во чорбата додајте лимонов сок.
За подготовка на чорбата може да користите и пилешки копанчиња. Како и да ја направите ќе биде превкусна. Кога станува збор за пилешко месо, наш избор се Слога. Долгогодишното искуство, квалитет и традиција ги прават производите на Слога задолжителен дел на секоја трпеза. Во нивната палета може да најдете голем избор на пилешки производи: копанчиња од крилца, пилешки кратки копани, пилешки стек, пилешки копани без коска, пилешки копан со наткопан…
Бидете креативни и додајте зеленчук по ваш вкус. Од новите Royal Veggies производи на Слога изберете жолта боранија, грашок, брокула, пченка, златна мешавина, царска мешавина или руска салата и збогатете ја чорбата.