Празниците се одличен повод да се собери целата фамилија и да се споделат убави заеднички моменти. За да имате повеќе време да уживате со вашите најблиски, ви предлагаме еден супер брз и лесен рецепт за кремаста чизкејк торта која сите ќе ја обожаваат.
Нема човек кој не го сака познатиот вкус на чизкејк тортата. Таа е освежителна и кремаста, па совршено ќе го надополни празничниот, обилен ручек или вечера. И што е најважно, не се печи и се припрема за многу брзо време, па и ако ви дојдат ненајавени гости ќе можете да ги изненадите со богат десерт.
Состојки:
- 200 грама чоколадни бисквити
- 450 грама шеќер во прав
- 6 лажици несолен, растопен путер
- 250 грама маскарпоне сирење или крем сирење
- 500 грама слатка павлака
- рендана кора од портокал
- екстракт од ванила
- замрзнати боровинки и малини по желба
Подготовка:
- Најпрво со помош на кујнски сечко или машина за мелење, измелете ги бисквитите до ситен прав.
- Иситнетите бисквити измешајте ги со 1 лажица шеќер во прав.
- Во бисквитите додадете го растопениот путер и се убаво измешајте. Треба да добиете смеса која, кога ќе ја притиснете меѓу прстите нема да се троши и да се распаѓа.
- Вака добиената смеса ставете ја во калап на кој му се отстранува дното, па добро притиснете ја и измазнете ја со помош на лажица.
- Калапот ставете го во замрзнувач околу 10 минути.
- Во еден подлабок сад, турете ги крем сирењето, шеќерот во прав, слатката павлака, кората од портокал и екстрактот од ванила. Матете ги додека добиете густа и хомогена смеса.
- Нанесете ја смесата врз тестото од бисквити и со помош на нож убаво измазнете ја.
- Тортата оставете ја во фрижидер околу 3 часа. Откако добро ќе се стегни, отстранете го калапот. Украсете ја по желба со замрзнати боровинки или малини.
Ви препорачуваме да прочитате: Чоколадна чизкејк торта.