Доколку сакате да си дозволите врвно гастрономско уживање и задоволство на сите сетила, тогаш пробајте го овој рецепт и направете си вкусни кремасти карбонара компири за вас и за вашето семејство. Имаат мазен, сочен вкус и со сигурност ќе им се допаднат на сите во домот.
Вака подготвените карбонара компири се одличен прилог кој може да се послужи со месо, но исто така може да се консумираат и како самостоен оброк. За нивна подготовка може да користите веќе готов карбонара сос кој само ќе го растворите со млеко, а исто така може да си го подготвите и дома. На интернет има многу рецепти за карбонара тестенини, па зошто да не се експериментира малку во кујната и да се проба нешто ново. За промена, пробајте ги овие карбонара на нов начин, баш вкусен, како и со тестенините.
Може да ве интересира: Оригинален класичен рецепт за карбонара сос сервиран со шпагети.
Состојки:
- 5-6 компири
- 200 г шунка или сланина по желба
- 30 мл масло
- 100 мл вода
- 1 лажиче мајчина душица
- карбонара сос (готов или домашен)
- млеко за растворање на карбонара сосот
- 70 г рендан кашкавал
- сол по вкус.
Подготовка:
- Компирите измијте ги, излупете ги и исечете ги на кругови.
- Шунката исечкајте ја на ситни парчиња.
- Компирите наредете ги во намрсен плех за печење заедно со сечканата шунка и зачинете ги со мајчина душица и сол по вкус.
- Вака наредените компири прелијте ги со масло и малку вода, покријте ги со фолија и печете ги во претходно загреана рерна на 200 степени, околу 40 минути.
- Во меѓувреме растворете го сосот за карбонара со млеко или направете домашен. (Домашен карбонара сос може да направите и од неутрална павлака, јајца и пармезан.)
- Откако ќе ја отстраните фолијата од плехот со компири, прелијте ги со готовиот карбонара сос и вратете ги во рерната уште дополнителни 5 минути.
- Потоа, извадете ги и посипете ги со нарендан кашкавал и повторно вратете ги во рерна, додека кашкавалот се запече. На здравје!
Ви препорачуваме да прочитате: Шпагети карбонара по италијански рецепт.